കൊല്ലം: കായംകുളത്തെ സി.പി.ഐ കൗൺസിലർ കള്ളവോട്ട് ചെയ്‌തതായി പരാതി. സി.പി.ഐ കൗൺസിലറായ മുഹമ്മദ് ജലീൽ രണ്ട് ബൂത്തുകളിൽ വോട്ട് ചെയ്‌തെന്ന ആരോപണവുമായി പ്രാദേശിക യു.ഡി.എഫ് നേതാക്കളാണ് രംഗത്തെത്തിയത്. കായകുളത്തെ 89ാം ബൂത്തിലും 82ാം ബൂത്തിലും ഇയാൾ വോട്ട് ചെയ്തുവെന്നാണ് ആരോപണം.

82ാം ബൂത്തിൽ 636 ക്രമനമ്പറായും 89ാം ബൂത്തിൽ 800ാം ക്രമനമ്പറായും മുഹമ്മദ് ജലീൽ വോട്ട് രേഖപ്പെടുത്തി എന്ന് പ്രാദേശിക യുഡിഎഫ് നേതാക്കൾ ആരോപിക്കുന്നു. ജലീലിനെതിരെ വോട്ടിംഗ് വിവരങ്ങൾ സഹിതം യു.ഡി.എഫ് പ്രവർത്തകർ തിരഞ്ഞെടുപ്പ് കമ്മീഷന് പരാതി നൽകിയിട്ടുണ്ട്.