തിരുവനന്തപുരം: കണ്ണൂർ-അബുദാബി എയർ ഇന്ത്യ എക്സ്‌പ്രസ് വിമാനത്തിന് യന്ത്രത്തകരാർ. വിമാനം തിരുവനന്തപുരം വിമാനത്താവളത്തിൽ ഇറക്കി. തകരാർ പരിഹരിക്കാൻ ശ്രമം തുടരുകയാണ്. യാത്രക്കാരെല്ലാം സുരക്ഷിതരാണെന്ന് കമ്പനി അറിയിച്ചു. അതേസമയം, യന്ത്രത്തകരാർ വ്യക്തമായിട്ടും വിമാനം പറത്തിയതിൽ ഗുരുതര ആരോപണമാണ് യാത്രക്കാർ ഉന്നയിക്കുന്നത്. നേരത്തെ, യന്ത്രത്തകരാർ മൂലം ഇതേ വിമാനത്തിന്റെ ഷാർജ സർവീസ് ഒഴിവാക്കിയിരുന്നു.