ലണ്ടൻ: പഞ്ചാബ് നാഷണൽ ബാങ്കിൽനിന്ന് 13000 കോടി രൂപയുടെ വായ്പയെടുത്ത് മുങ്ങിയ വിവാദ വജ്രവ്യാപാരി നീരവ് മോദിയുടെ ജാമ്യാപേക്ഷ യു.കെ വെസ്​റ്റ്​ മിനിസ്​റ്റർ കോടതി മൂന്നാംതവണയും തള്ളി. മേയ് 24 വരെ മോദിയുടെ കസ്റ്റഡി കാലാവധി നീട്ടിയിട്ടുണ്ട്. 24നാണ് ഇനി കേസ് പരിഗണിക്കുക. സാക്ഷികൾക്ക് വധഭീഷണിയുണ്ടെന്നും തെളിവുകൾ നശിപ്പിക്കാൻ സാദ്ധ്യതയുണ്ടെന്നുമുള്ള വാദം പരിഗണിച്ചാണ് കോടതി ഇത്തവണയും ജാമ്യം നിഷേധിച്ചത്. തട്ടിപ്പുകേസുമായി ബന്ധപ്പെട്ട് മോദിയെ ഇന്ത്യയ്ക്ക്​ വിട്ടുകിട്ടണമെന്നാവശ്യപ്പെട്ട്​ എൻഫോഴ്​സ്‌മെന്റ് ഡയറക്​ടറേറ്റ്​ നൽകിയ പരാതിയിൽ കഴിഞ്ഞ മാർച്ച്​ 21നാണ്​ മോദിയെ സ്​കോട്​ലാൻഡ് യാർഡ്​ പൊലീസ്​ അറസ്​റ്റ്​ ചെയ്തത്​.