കൊൽക്കത്ത: പ്രധാനമന്ത്രി നരേന്ദ്രമോദിയുടെ കുർത്ത പരാമർശത്തിൽ ബംഗാൾ മുഖ്യമന്ത്രി മമത ബാനർജിയെ പരിഹസിച്ച് കോൺഗ്രസ് താരവും സിനിമാതാരവുമായ രാജ് ബബ്ബാർ. മമതയ്ക്ക് എങ്ങനെയാണ് മോദിയുടെ കുർത്തയുടെ അളവിനെക്കുറിച്ച് അറിയുന്നതെന്നും ഇക്കാര്യം തന്നെ അദ്ഭുതപ്പെടുത്തിയെന്നും ബബ്ബാർ പരിഹസിച്ചു. എല്ലാവർഷവും മമത തനിക്ക് മധുരപലഹാരങ്ങളും കുർത്തയും അയച്ചുതരാറുണ്ടെന്ന് ബോളിവുഡ് താരം അക്ഷയ് കുമാറുമൊത്തുള്ള അഭിമുഖത്തിലാണ് മോദി വെളിപ്പെടുത്തിയത്. എന്നാൽ,​ തങ്ങളെ അതിഥികളെ സ്വീകരിക്കുന്നത് മധുരവും സമ്മാനവും നൽകിയാണെന്നും പക്ഷേ,​ വോട്ടുകൊടുക്കില്ലെന്നും മമതയും മറുപടി പറഞ്ഞിരുന്നു.

അതേസമയം,​ ബബ്ബാറിന്റെ പരാമർശത്തിനെതിരെ പ്രതിഷേധവുമായി തൃണമൂൽ കോൺഗ്രസ് രംഗത്തെത്തി.