ന്യൂഡൽഹി: തിരഞ്ഞെടുപ്പ് പ്രചാരണത്തിനിടെ ഉത്തർപ്രദേശിലെ പുരബ്‌ദ്വാര ജില്ലയിലെ ഗ്രാമത്തിൽ ഉണ്ടായ തീപിടിത്തത്തിൽ രക്ഷകയായി കേന്ദ്രമന്ത്രി സ്‌മ‌ൃതി ഇറാനി. അമേത്തിയിലെ തിരഞ്ഞെടുപ്പ് പ്രചാരണ പ്രവർത്തനങ്ങൾക്കിടെ തീപിടുത്തത്തെക്കുറിച്ച്‌ അറിഞ്ഞ് സ്‌മ‌ൃതി ഇറാനി പുരബ്‌ദ്വാര ജില്ലയിലെ ഗ്രാമത്തിൽ എത്തുകയായിരുന്നു.

ബി.ജെ.പി പ്രവർത്തകരോടൊപ്പം ഗ്രാമത്തിലെത്തിയ മന്ത്രി രക്ഷാപ്രവർത്തനത്തിൽ മുന്നിട്ടിറങ്ങി. ഗ്രാമത്തിലെ കുഴൽക്കിണറിൽ നിന്ന്‌ വെള്ളമെടുക്കാൻ ഗ്രാമീണരെ സഹായിക്കുകയും തീകെടുത്താനുള്ള നിർദേശങ്ങൾ നൽകുകയും ചെയ്യുന്ന സ്‌മൃതിയുടെ വീഡിയോ വാർത്താ ഏജൻസിയായ എ.എൻ.ഐയാണ് പുറത്തുവിട്ടത്. പ്രചാരണം നിർത്തിവച്ചാണ് സ്‌മൃതി രക്ഷാപ്രവർത്തനത്തിന് മുന്നിട്ടിറങ്ങിയത്. തീപിടിത്തത്തിൽ നാശനഷ്ടങ്ങൾ ഉണ്ടായവരെ ആശ്വസിപ്പിക്കുന്നതും വീഡിയോയിൽ കാണുന്നുണ്ട്.

#WATCH Amethi: Union Minister and BJP Lok Sabha MP candidate from Amethi, visits the fire-affected fields in Purab Dwara village; meets the locals affected. Fire-fighting operations are still underway pic.twitter.com/JARKp5k2mh

— ANI UP (@ANINewsUP) April 28, 2019