മുംബയ്: നാലാംഘട്ട പോളിംഗിൽ വോട്ടുചെയ്യാനെത്തിയത് ബോളിവുഡിലെയടക്കം വൻതാരനിര. ആമിർഖാൻ, ഭാര്യ കിരൺ റാവു, അജയ് ദേവ്ഗൺ, കാജോൽ, ദിയ മിർസ, രേഖ, മാധുരി ദീക്ഷിത്, പ്രിയങ്ക ചോപ്ര, സോണാലി ബേന്ദ്ര, ടൈഗർ ഷെറോഫ്, വരുൺ ധവാൻ തുടങ്ങിയവരാണ് മുംബയിലെ വിവിധ പോളിംഗ് സ്റ്റേഷനുകളിൽ വോട്ടുചെയ്യാനെത്തിയത്. അമിതാഭ് ബച്ചനും ജയ ബച്ചനും ഐശ്വര്യക്കും അഭിഷേകിനൊപ്പമാണ് വോട്ടുചെയ്യാനെത്തിയത്.
അനിൽ അംബാനി, മഹീന്ദ്രഗ്രൂപ്പ് ചെയർമാൻ ആനന്ദ് മഹീന്ദ്ര, ടാറ്റാസൺസ് ചെയർമാൻ എൻ.ചന്ദ്രശേഖരൻ, ആർ.ബി.ഐ ഗവർണർ ശശികാന്ത് ദാസ് തുടങ്ങിയവരും ഇന്നലെ വോട്ടുചെയ്ത പ്രമുഖരിൽപെടുന്നു. എണ്ണപ്പെടുന്ന ശബ്ദമാണ് ഓരോവോട്ടും എന്നാണ് വോട്ടുരേഖപ്പെടുത്തിയതിന് ശേഷം പ്രിയങ്ക ചോപ്ര ട്വിറ്ററിൽ കുറിച്ചത്.