ഹ​രി​ദ്വാ​ർ: ആ​റു വ​യ​സു​കാ​രി​യെ കൊ​ല​പ്പെ​ടു​ത്തി മൃ​ത​ദേ​ഹം ലൈംഗികമായി ഉപയോഗിച്ച സെക്യൂരിറ്റി ജീവനക്കാരനെ പൊലീസ് അറസ്റ്റ‌്‌‌‌‌‌ ചെയ്തു. പൗൾട്രിഫാമിന്റെ സെക്യൂരിറ്റ‌ി‌‌‌‌‌‌യായി ജോലി നോക്കുന്ന സോനുവിനെയാണ് പൊലീസ് പിടികൂടിയത്. ഉ​ത്ത​രാ​ഖ​ണ്ഡി​ലെ ഹ​രി​ദ്വാ​റി​ലാ​ണു സം​ഭ​വം. വെള്ളിയാഴ്ച മുതലാണ് പെൺകുട്ടിയെ കാണാതായത്.

തെ​രു​വി​ൽ മ​റ്റു കു​ട്ടി​ക​ൾ​ക്കൊ​പ്പം ക​ളി​ച്ചുകൊണ്ടിരുന്ന ആറുവയസുകാരിയെ പി​ന്നീ​ട് കാ​ണാ​താ​വു​ക​യാ​യി​രു​ന്നു. പെൺകുട്ടിയെ ഇ​യാ​ൾ സ​മീ​പ​ത്തെ വ​ന​മേ​ഖ​ല​യി​ലേ​ക്ക് കൂ​ട്ടി​ക്കൊ​ണ്ടു​പോ​വു​ക​യും മാ​ന​ഭം​ഗ​പ്പെ​ടു​ത്താ​ൻ ശ്ര​മി​ക്കു​ക​യായിരുന്നു. എതിർത്തതിനെ തുടർന്ന് ഇയാൾ കുട്ടിയെ ക​ഴു​ത്ത് ഞെ​രി​ച്ചു കൊ​ല​പ്പെ​ടു​ത്തിയ ശേ​ഷം മൃ​ത​ദേ​ഹ​വു​മാ​യി ലൈം​ഗി​ക ബ​ന്ധ​ത്തി​ൽ ഏ​ർ​പ്പെ​ടു​ക​യാ​യി​രു​ന്നെന്ന് പൊലീസ് വ്യക്തമാക്കി.

മ​ദ്യ​ ല​ഹ​രി​യി​ലാ​ണ് പ്രതി കു​റ്റം ചെ​യ്തെ​ന്നും ഇ​യാ​ൾ കു​ട്ടി​യെ കൊ​ല​പ്പെ​ടു​ത്തി​യ​തി​ന്റെ കൂടുതൽ തെ​ളി​വു​കൾ ലഭിച്ചിട്ടുണ്ടെന്നും പൊ​ലീ​സ് പറഞ്ഞു. ദിവസവേതനക്കാരാണ് പെൺകുട്ടിയുടെ മാതാപിതാക്കൾ. ഇവർ ജോലി ചെയ്യുന്ന പാടത്തിന് സമീപത്ത് വച്ചാണ് സോനു പെൺകുട്ടിയെ കൊലപ്പെടുത്തിയത്.

സോനു പെൺകുട്ടിയെ കൂട്ടിക്കൊണ്ട് പോകുന്നതായി കണ്ട പ്രദേശവാസികളുടെ മൊഴിയുടെ അടിസ്ഥാനത്തിലാണ് പൊലീസ് ഇയാളെ അറസ്റ്റ്‌‌‌‌‌‌‌‌ ചെയ്തത്. ശ​നി​യാ​ഴ്ച രാ​വി​ലെ​യാ​ണ് പെ​ൺകു​ട്ടി​യു​ടെ മൃ​ത​ദേ​ഹം ക​ണ്ടെ​ത്തിയത്. കു​റ്റ​കൃ​ത്യ​ത്തി​ൽ മ​റ്റൊ​രാ​ൾ​ക്കു കൂ​ടി പ​ങ്കു​ണ്ടെ​ന്ന് മരിച്ച പെൺകുട്ടിയുടെ മാ​താ​പി​താ​ക്ക​ൾ ആ​രോ​പി​ച്ചു. ഇ​യാ​ൾ​ക്കായും പൊലീസ് അന്വേഷണം ആരംഭിച്ചിട്ടുണ്ട്.