മലപ്പുറം: വൈരങ്കോട് ഭഗവതി ക്ഷേത്രത്തിലെ പ്രതിഷ്ഠാദിന മഹോത്സവം ഈമാസം 11ന് ക്ഷേത്രം തന്ത്രി കൽപ്പുഴ മനയ്ക്കൽ ശങ്കരൻ നമ്പൂതിരിപ്പാടിന്റെ മുഖ്യകാർമ്മികത്വത്തിൽ നടക്കും. ഗണപതി ഹോമം,​ ഉഷപ്പൂജ,​ ഉദയാസ്തമന പൂജ,​ 25 കലശം,​ നവകം,​ പഞ്ചഗവ്യം,​ ഉച്ചപ്പൂജ എന്നിവ നടക്കും. രാവിലെ 10.30ന് മുന്നൂറോളം ജ്യോതിഷ പണ്ഡിതരെ ഉൾപ്പെടുത്തി വന്ദേ ജ്യോതിഷം സദസ് നടക്കും. ചടങ്ങ് സാഹിത്യകാരൻ മാടമ്പ് കുഞ്ഞിക്കുട്ടൻ ഉദ്ഘാടനം ചെയ്യും. വൈരങ്കോട് ഭഗവതി പുരസ്കാരം മേളം,​തായമ്പക വിദഗ്ദ്ധൻ ശുകപുരം ദിലീപിന് മലബാർ ദേവസ്വം ബോർഡ് കമ്മിഷണർ കെ. മുരളി സമ്മാനിക്കും. ക്ഷേത്രാചാരങ്ങളും ജ്യോതിഷവും എന്ന വിഷയത്തിൽ ചർച്ച നടക്കും. വാർത്താസമ്മേളനത്തിൽ ക്ഷേത്രം എക്സിക്യുട്ടീവ് ഓഫീസർ കെ.കെ. രഘുനാഥൻ,​ ഭാരവാഹികളായ ആഴ്‌വാഞ്ചേരി കൃഷ്ണൻ തമ്പ്രാക്കൾ,​ കെ. പ്രേമൻ പണിക്കർ,​ മുരളീധരൻ വള്ളത്തോൾ,​ കെ.കെ. ജയരാജൻ,​ തൃപ്പങ്ങോട്ട് ഗംഗാധര പണിക്കർ പങ്കെടുത്തു.