മലപ്പുറം: പാണക്കാട് സയ്യിദ് മുഹമ്മദലി ശിഹാബ് തങ്ങളുടെ പത്താമത് ഉറൂസ് നാളെ നടക്കും. മികച്ച മുദരിസിനുള്ള ശിഹാബ് തങ്ങൾ സ്മാരക അവാർഡ് പാണക്കാട് സയ്യിദ് ഹൈദരലി ശിഹാബ് തങ്ങൾ കോടങ്ങാട് മുദരിസ് അബ്ദുൾ ഗഫൂർ അൻവരി മുതൂരിന് സമ്മാനിക്കും. കാലത്ത് എട്ടിന് പാണക്കാട് മഖാമിൽ നടക്കുന്ന സിയാറത്തിന് എസ്.വൈ.എസ് ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങൾ നേതൃത്വം നൽകും.ഒമ്പതിന് കൊണ്ടോട്ടി കോടങ്ങാട് ജുമാ മസ്ജിദിൽ നടക്കുന്ന അനുസ്മരണപ്രാർത്ഥനാ സദസ് സമസ്ത കേരള ജംഇയ്യതുൽ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യും. എസ്.വൈ.എസ് ജില്ലാ വൈസ് പ്രസിഡന്റ് സയ്യിദ് ബി.എസ്.കെ തങ്ങൾ അദ്ധ്യക്ഷനാവും. എസ്.വൈ.എസ് ജില്ലാ ജനറൽ സെക്രട്ടറി അബ്ദുസ്സമദ് പൂക്കോട്ടൂർ അനുസ്മരണ പ്രഭാഷണം നടത്തും.