പാലക്കാട്: രൂക്ഷമായ കുടിവെള്ളക്ഷാമം നിലനിൽക്കുന്ന പ്രദേശങ്ങളിൽ പെരുമാറ്റച്ചട്ടത്തെ ബാധിക്കാതെ വ്യവസ്ഥകൾ പാലിച്ച് നടപടിയെടുക്കാൻ തദ്ദേശസ്വയംഭരണ സ്ഥാപനങ്ങൾക്ക് അനുമതി നൽകാമെന്ന് മാതൃകാ പെരുമാറ്റച്ചട്ടം നടപ്പിലാക്കൽ നോഡൽ ഓഫീസറായ എ.ഡി.എം അറിയിച്ചു. സംസ്ഥാനത്ത് കടുത്ത വേനൽക്കാലമായതിനാൽ പൊതുജനങ്ങൾക്ക് കുടിവെള്ളം ലഭ്യമാക്കുന്നതിനുള്ള നടപടികൾ സ്വീകരിക്കുന്നതിനായി തിരഞ്ഞെടുപ്പ് പെരുമാറ്റചട്ടങ്ങളിൽ ഇളവ് നൽകണമെന്ന ജില്ലാ കലക്ടറുടെ ആവശ്യത്തെ തുടർന്നാണ് വ്യവസ്ഥകൾ പാലിച്ച് നടപടിയെടുക്കാൻ അനുമതി നൽകാനുള്ള തീരുമാനം.
1.കുടിവെള്ള വിതരണം വോട്ട് നേടുന്നതിനുള്ള ഉപാധിയായി മാറുന്നില്ല എന്ന് ഉറപ്പാക്കണം.
2. വിവേചനമില്ലാതെ എല്ലാ മാനദണ്ഡങ്ങളും പാലിച്ചാണോ കുടിവെള്ള വിതരണം നടത്തുന്നത് എന്ന് ഉറപ്പാക്കണം
3.കുടിവെള്ള വിതരണത്തിന് പിന്നിൽ കച്ചവട താൽപര്യം ഇല്ല എന്ന് ഉറപ്പാക്കണം
4. തിരഞ്ഞെടുപ്പ് ജനപ്രതിനിധികളോ രാഷ്ട്രീയപ്രവർത്തകരോ കുടിവെള്ള വിതരണത്തിന് നേതൃത്വം നൽകുന്നില്ലെന്ന് ഉറപ്പാക്കണം തുടങ്ങിയ വ്യവസ്ഥക്കളാണ് പാലിക്കേണ്ടത്.