മണ്ണാർക്കാട്: നഗരസഭ കുടുംബശ്രീ പദ്ധതിയിലെ സാമ്പത്തിക ക്രമക്കേട് നടത്തിയ മെമ്പർ സെക്രട്ടറി അറസ്റ്റിൽ. എൽ.ഡി ക്ലാർക്കും കുടുംബശ്രീ മെമ്പർ സെക്രട്ടറിയുമായ തിരുവനന്തപുരം ബാലരാമപുരം സ്വദേശി ദിവ്യ(36)യാണ് ഇന്നലെ രാവിലെ പത്തിന് മണ്ണാർക്കാട് പൊലീസ് സ്‌റ്റേഷ്‌നിൽ കീഴടങ്ങിയത്.

2017-18 വർഷത്തെ കുടുംബശ്രീയുടെ പദ്ധതി നടത്തിപ്പിൽ ക്രമക്കേട് ഓഡിറ്റ് വിഭാഗമാണ് കണ്ടെത്തിയത്. 2,61,886 രൂപയുടെ കണക്ക് വിവരങ്ങൾ നൽകിയില്ലെന്ന് കണ്ടെത്തിയതിനെ തുടർന്ന് ഇവരെ ജോലിയിൽ നിന്ന് സൻസ്പെന്റ് ചെയ്തിരുന്നു. തുടർന്ന് നഗരസഭ സെക്രട്ടറിയുടെ പരാതിയിൽ മേൽ ഇവർക്കെതിരെ കേസെടുത്തു. തിരുവനന്തപുരം ജില്ലാ കോടതിയിലും ഹൈക്കോടതിയിലും നൽകിയ ജാമ്യാപേക്ഷകൾ നിരസിച്ചതിനെ തുടർന്നാണ് മണ്ണാർക്കാട് സ്റ്റേഷനിലെത്തി കീഴടങ്ങിയത്. ജാമ്യമില്ലാ വകുപ്പുകളിലാണ് കേസെടുത്തിരിക്കുന്നത്. നെയ്യാറ്റിൻകരയുൾപ്പെടെ ഇവർ ജോലി ചെയ്ത സ്ഥലങ്ങളിൽ ഇത്തരം ക്രമക്കേടുകൾ നടത്തിയിട്ടുള്ളതായി പൊലീസ് പറഞ്ഞു. മണ്ണാർക്കാട് മുൻസിഫ് കോടതി പതിനാല് ദിവസത്തേക്ക് റിമാന്റ് ചെയ്തു.

ഫോട്ടോ ദിവ്യ