പ​ത്ത​നം​തിട്ട : കാല​വർഷ​ത്തിൽ ത​കർന്ന വീട്ടിൽ ദുരിത ജീവിതം നയിച്ച മുത്ത​ശിയ്ക്കും കുടും​ബ​ത്തിനും പുതിയ വീട് നിർമ്മിച്ചു നൽകി മാതൃ​ക​യാ​കുകയാണ് വയ​ല​ത്തല മാർസേ​വേ​റി​യോസ് സ്ലീബാ ഓർത്ത​ഡോക്സ് പള്ളി പ്രവാസി വാട്ട്സ് ആപ്പ് കൂട്ടാ​യ്മ. വയ​ല​ത്തല പരു​ത്തി​ക്കൽ തങ്കമ്മ വർഗീസി​നാണ് വീട് നിർമ്മിച്ചു നൽകു​ന്ന​ത്. എൺപതു കഴിഞ്ഞ രോഗി​യായ തങ്കമ്മ മകന്റെ കുടും​ബ​ത്തോ​ടൊപ്പം തീർത്തും തകർന്ന വീട്ടിൽ വർഷ​ങ്ങ​ളായി കഴിഞ്ഞു വരി​ക​യാ​യി​രു​ന്നു. മൂന്നു മുറിയും, ഹാളും, പാചകമുറി​യും, ശുചി​മു​റിയും ഉൾപ്പെ​ടുന്ന 850 സ്‌ക്വയർ ഫീറ്റു​ള്ള കോൺക്രീറ്റ് വീട് 7,50,000/- രൂപ ചെല​വി​ലാണ് നിർമ്മി​ച്ച​ത്. പുതിയ വീടിന്റെ കൂദാ​ശയും താക്കോൽ ദാനവും നില​യ്ക്കൽ ഭദ്രാ​സ​നാ​ധി​പൻ ഡോ. ജോഷ്വാ മാർ നിക്കോ​ദി​മോസ് 24​ന് ഉച്ചക്ക് 3​ന് നിർവ​ഹി​ക്കും.