കൊ​ട്ടി​യം: കു​ടി​ക്കാ​നും ന​ന​യ്​ക്കാ​നും വെ​ള്ള​മി​ല്ലാ​തെ കൊ​റ്റ​ങ്ക​ര പ​ഞ്ചാ​യ​ത്തി​ലെയും ഇ​ള​മ്പ​ള്ളൂർ പ​ഞ്ചാ​യ​ത്തി​ലെയും വാർ​ഡു​ക​ളി​ലെ ജ​ന​ങ്ങൾ വ​ല​യുന്നു. മാസങ്ങളായി പ്രദേശങ്ങളിലെ പൊ​തുടാ​പ്പു​ക​ളിൽ വെ​ള്ളം ലഭിക്കുന്നില്ല. കിണറുകളും വറ്റി വരണ്ട് ജനങ്ങളുടെ ദുരിതജീവിതം ദിനംപ്രതി രൂക്ഷമാകുന്നു.

പ​ഞ്ചാ​യ​ത്തു​ക​ളു​ടെ നേ​തൃ​ത്വ​ത്തിൽ വല്ലപ്പോഴും എ​ത്തി​ക്കു​ന്ന കു​ടിവെ​ള്ളമാണ് ജനങ്ങൾക്ക് ഏക ആശ്വാസം. പൊ​തു​കി​ണ​റു​ക​ളും കു​ള​ങ്ങ​ളും നീർത്തടങ്ങളും ജ​ല സ്രോ​ത​സു​ക​ളും സം​ര​ക്ഷി​ക്കാ​ത്ത​താ​ണ് ജ​ല​ക്ഷാ​മ​ത്തി​ന് കാ​ര​ണ​മെ​ന്ന് പ​രി​സ്ഥി​തി പ്ര​വർ​ത്ത​കർ അഭിപ്രായപ്പെടുന്നു.

കൊ​റ്റ​ങ്ക​ര പ​ഞ്ചാ​യ​ത്തി​ലെ എ​ട്ടാം വാർ​ഡ് ല​ക്ഷം വീ​ട് കോ​ള​നി​, ഇ​ള​മ്പ​ള്ളൂർ പ​ഞ്ചാ​യ​ത്തി​ലെ ആ​ലും​മൂ​ട് കു​റ്റിമു​ക്ക്, മോ​തി​മു​ക്ക് എന്നിവിടങ്ങളിലെ സമ്പുഷ്ടമായിരുന്ന പൊതുകിണറുകളാണ് സംരക്ഷിക്കാതെ വറ്റിവരണ്ടത്. കേ​ര​ള​പു​രം, വേ​ലംകോ​ണം, മാ​മ്പു​ഴ, പു​ന​ക്ക​ന്നൂർ ഭാ​ഗ​ത്തെ കൊ​റ്റ​ങ്ക​ര പ​ഞ്ചാ​യ​ത്തി​ലെ ജ​ല​സ്രോ​ത​സുക​ളും ന​ശി​ച്ചു കഴിഞ്ഞു.

വ​യൽ ഭാ​ഗ​ങ്ങ​ളി​ലാ​ണ് വെ​ള്ള​ത്തി​ന് ഏ​റെ ബു​ദ്ധി​മു​ട്ട് അനുഭവപ്പെടുന്നത്. കു​റ്റി​ച്ചി​റ, തെ​റ്റി​ച്ചി​റ, കോ​ടംവി​ള​ ജം​ഗ്​ഷൻ, ചി​റ​ക്ക​രോ​ടു ഭാ​ഗം, കൊ​റ്റം​ക​ര മാമ്പു​ഴ, കു​മ്പ​ളം ഏ​രി​യ, ച​ന്ദ​ന​തോ​പ്പ് വാർ​ഡ്, കേ​ര​ള​പു​രം കോ​വിൽ​മു​ക്ക് തു​ട​ങ്ങി​യ സ്ഥ​ല​ങ്ങ​ളിലും വെ​ള്ളം കി​ട്ടാ​ക്ക​നി​യാ​യി​രി​ക്കുകയാണ്.

 വെള്ളമെത്തിക്കാൻ കഴിയാതെ പഞ്ചായത്ത്

കുടിവെ​ള്ള ക്ഷാമം രൂക്ഷമായ അവസ്ഥയിലും പ്രദേശത്ത് ആവശ്യത്തിന് വെള്ളമെത്തിക്കാൻ പ​ഞ്ചാ​യ​ത്തു​കൾ​ക്ക് ക​ഴി​യു​ന്നി​ല്ല. മ​സൂ​രിച്ചി​റ​യിൽ വെ​ള്ളം കൊ​ണ്ടു​വ​ന്ന് സം​ഭ​രി​ച്ച് അ​വി​ടെ നി​ന്ന് ശു​ദ്ധീ​ക​രി​ച്ച് കൊ​റ്റം​ങ്ക​ര പ​ഞ്ചാ​യ​ത്തി​ലും മ​റ്റ് സ്ഥ​ല​ങ്ങ​ളി​ലും വെ​ള്ളം എ​ത്തു​മെ​ന്ന കാ​ത്തി​രി​പ്പി​ലാ​ണ് നാ​ട്ടു​കാർ. ക​ല്ല​ട ഞാ​ങ്ക​ട​വിൽ നി​ന്ന് മു​ള​വ​ന വ​ഴി ഇ​ളമ്പ​ള്ളൂർ, കേ​ര​ള​പു​രം വ​ഴി വേ​ലം​കോ​ണം, മാ​മ്പു​ഴ ക്ഷേ​ത്രം, കൊ​റ്റ​ങ്ക​ര ദേ​ശാ​ഭി​മാ​നി, കൊ​റ്റങ്ക​ര മേ​ലൂ​ട്ട്കാ​വ് ക്ഷേ​ത്രം, തട്ടാർ കോ​ണം, താ​ഹ​മു​ക്ക്, കു​റ്റി​ച്ചി​റ, പു​ന്ത​ലത്താ​ഴം വ​ഴി​യാ​ണ് മ​സൂ​രിച്ചി​റ​യിൽ വെ​ള​ള​മെ​ത്തി​ക്കു​ന്ന​ത്. ഈ പ​ദ്ധ​തി വൈ​കാ​തെ ന​ട​ക്കു​മെ​ന്ന പ്രതീക്ഷയിലാണ് നാട്ടുകാർ. എം.എൽ.എ ഫ​ണ്ടോ, എം.പി ഫ​ണ്ടോ വിനിയോഗിച്ച് ജനങ്ങൾക്ക് കുടിവെള്ളമെത്തിക്കുന്നതിനായി വിവിധ പ​ദ്ധ​തി​കൾ നടപ്പിലാക്കണമെന്നാണ് ജനങ്ങ​ളു​ടെ ആ​വ​ശ്യം.

 കു​ടി​വെ​ള്ള​ക്ഷാ​മം പ​രി​ഹ​രി​ക്ക​ണം

പ​ഞ്ചാ​യ​ത്തി​ലെ വി​വി​ധ സ്ഥ​ല​ങ്ങ​ളിൽ കു​ടി​വെ​ള്ള ക്ഷാ​മം അനുദിനം രൂ​ക്ഷ​മാകുകയാണ്. ഈ അ​വ​സ്ഥയ്ക്ക് ശ്വാ​ശ്വ​ത പ​രി​ഹാ​ര​മു​ണ്ടാ​ക്ക​ണം. ജ​ല​സം​ഭ​ര​ണി​ക​ളും നീർ​ത്ത​ട​ങ്ങ​ളും സം​ര​ക്ഷി​ക്ക​ണം.

കെ.പി. രാ​ജ​പ്പൻ

പ്ര​സി​ഡന്റ്, എസ്.എൻ.ഡി.പി യോഗം 6059-ാം നമ്പർ ശ്രീ കേ​ശ​വൻ മെ​മ്മോ​റി​യൽ ശാ​ഖ

 ജ​ല​ക്ഷാ​മ​മു​ള്ള വാർ​ഡു​ക​ളിൽ കു​ടി​വെ​ള്ള​മെ​ത്തി​ക്കാൻ സ്ഥി​രം സം​വി​ധാ​ന​മു​ണ്ടാ​ക​ണം.

എ​സ്. ച​ക്രാ​യു​ധൻ

സെക്രട്ടറി, എസ്.എൻ.ഡി.പി യോഗം 6059-ാം നമ്പർ ശ്രീ​കേ​ശ​വൻ മെ​മ്മോ​റി​യൽ ശാ​ഖ

പൊ​തു​കി​ണ​റു​ക​ളും കു​ള​ങ്ങ​ളും നീർ​ത്ത​ട​ങ്ങ​ളും സ്ഥി​ര​മാ​യി സം​ര​ക്ഷി​ക്കാൻ ന​ട​പ​ടി​യു​ണ്ടാ​കണം. പ​രി​സ്ഥി​തി​ക്ക് കോ​ട്ടം ത​ട്ടാ​തെ​യു​ള​ള വി​ക​സ​ന പ്ര​വർ​ത്ത​ന​ങ്ങൾ​ക്ക് മുൻ​ഗ​ണ​ന നൽ​ക​ണം.

എ​സ്. വി​ജ​യൻ, എക്സിക്യൂട്ടീവ് അംഗം, എസ്.എൻ.ഡി.പി യോഗം 6059-ാം നമ്പർ ശ്രീ​കേ​ശ​വൻ മെ​മ്മോ​റി​യൽ ശാ​ഖ