കൊ​ട്ടി​യം: തൃ​ക്കോ​വിൽ​വ​ട്ടം പ​ഞ്ചാ​യ​ത്തിലെ താ​ഴാംപ​ണ ചെ​റി​യേ​ല ഏ​ലാ​യിലെ പുല്ലുകൾക്ക് തീപിടിച്ചു. അ​ഞ്ച് യൂ​ണി​റ്റ് ഫ​യർ​ഫോ​ഴ്‌​സ് മ​ണി​ക്കൂ​റു​ക​ളോ​ളം ന​ട​ത്തി​യ പ​രി​ശ്ര​മ​ത്തി​നൊ​ടു​വി​ലാ​ണ് തീ നി​യ​ന്ത്ര​ണ വി​ധേ​യ​മാ​ക്കാ​നാ​യ​ത്.

ഇന്നലെ ഉ​ച്ച​യ്ക്ക് പ​ന്ത്ര​ണ്ട് മ​ണി​യോ​ടെ​യാ​ണ് ഇ​രു​പ​ത്തി​യ​ഞ്ച് ഏ​ക്ക​റോ​ളം വ​രു​ന്ന ഏ​ലാ​യി​ൽ കോ​ട്ടേകു​ന്ന്, താ​ഴാംപ​ണ ഭാ​ഗ​ങ്ങ​ളിൽ തീ ആ​ളി​പ​ട​രു​ന്ന​ത് പ്ര​ദേ​ശ​വാ​സി​ക​ളു​ടെ ശ്ര​ദ്ധ​യിൽ​പ്പെ​ട്ട​ത്. നാ​ട്ടു​കാർ​ ഉ​ടൻ ത​ന്നെ തൃ​ക്കോ​വിൽ​വ​ട്ടം ഗ്രാ​മപ​ഞ്ചാ​യ​ത്ത് വൈ​സ് പ്ര​സി​ഡന്റ് ജ​ല​ജ​കു​മാ​രി​യെ​യും പ​ഞ്ചാ​യ​ത്തം​ഗം സു​രേ​ഷ് ബാ​ബു​വി​നെ​യും വി​വ​രമറിയിക്കുകയും ഇ​വർ ഫ​യർ​ഫോ​ഴ്‌​സി​നെ ബന്ധപ്പെടുകയുമായിരുന്നു. തുടർന്ന് കു​ണ്ട​റ, കൊ​ല്ലം സ്റ്റേഷനുകളിൽ നി​ന്ന് ഫ​യർ​ഫോ​ഴ്‌​സ് സം​ഘ​മെ​ത്തി തീ നി​യ​ന്ത്ര​ണ വി​ധേ​യ​മാ​ക്കു​കയായിരുന്നു. ഏ​ലാ​യിൽ പ​യർ കൃ​ഷി ന​ട​ത്തു​ന്ന സ്ഥ​ല​ത്തേ​ക്ക് തീ പ​ട​രാ​തി​രു​ന്ന​തി​നാൽ കൃ​ഷി​യ്ക്ക് നാ​ശ​മുണ്ടായില്ല. തീ കെടുത്തിയെങ്കിലും ഏ​ലാ​യിൽ നി​ന്ന് പു​ക ഉ​യർ​ന്നു കൊ​ണ്ടി​രി​ക്കു​ക​യാ​ണ്.