കൊല്ലം: കൊ​ട്ടി​യം പോ​ലീ​സ് സ്‌​റ്റേ​ഷനിൽ നിന്നും ഡ്യൂ​ട്ടി ചെ​യ്​ത് മ​ടങ്ങ​വേ അ​പ​ക​ട​ത്തിൽ​പ്പെ​ട്ട് മരിച്ച ഹോം​ഗാർ​ഡ് ബി. രാ​ധാ​കൃ​ഷ്​ണ​പി​ള്ളയു​ടെ (54) കു​ടും​ബ​ത്തി​ന് കൈ​ത്താ​ങ്ങാ​യി ജില്ല​യി​ലെ ഹോം​ഗാർ​ഡു​കൾ. ക​ഴി​ഞ്ഞ ന​വം​മ്പ​ർ 1 ന് ആ​യി​രു​ന്നു മര​ണം സം​ഭ​വി​ച്ചത്. ഹോം​ഗാർ​ഡു​കൾ സ്വ​രൂ​പി​ച്ച തുക കൊല്ലം ഫ​യർ ഹെ​ഡ് ക്വാർ​ട്ടറിൽ സം​ഘ​ടി​പ്പി​ച്ച ​ച​ടങ്ങിൽ ജില്ലാഫയർഫോ​ഴ്‌​സ് മേ​ധാ​വി കെ. ഹ​രി​കുമാർ അ​ന്ത​രി​ച്ച രാ​ധാ​കൃ​ഷ്​ണ​പി​ള്ള​യു​ടെ ഭാര്യ ഉ​ഷാ​കു​മാ​രി​ക്ക് കൈ​മാ​റി.
കൊല്ലം ട്രാ​ഫി​ക്ക് പൊ​ലീ​സ് സ്‌​റ്റേ​ഷനിൽ സേ​വ​ന​മ​നുഷ്ഠിക്ക​വേ ഹോം​ഗാർ​ഡ് സേ​നയിൽ നിന്നും വി​ര​മി​ച്ച വി. ജ​നാർദ്ദ​നൻ പി​ള്ള​യെ സ്‌നേ​ഹോ​പ​ഹാ​രം നൽ​കി ആ​ദ​രി​ച്ചു. യോ​ഗത്തിൽ അ​സോ​സി​യേ​ഷൻ ജില്ലാ പ്ര​സിഡന്റ് എൻ. രാ​ജ​ശേഖ​രൻ പി​ള്ള അ​ദ്ധ്യ​ക്ഷ​ത വ​ഹി​ച്ചു. ഹോം​ഗാർ​ഡു​കൾക്ക് ഇൻ​ഷ്വറൻ​സ് പ​രി​ര​ക്ഷ ന​ട​പ്പി​ലാ​ക്കു​ന്ന കാര്യം സർക്കാർ അ​നു​ഭാ​വ​പൂർവം പ​രി​ഗ​ണി​ക്ക​ണ​മെ​ന്ന് ജില്ലാ സെ​ക്രട്ട​റി ആർ. രാ​മ​ച​ന്ദ്രൻ​പി​ള്ള പറഞ്ഞു.