കൊ​ട്ടി​യം: മാ​ലി​ന്യം ച​വി​ട്ടി​യെ​ങ്കിൽ മാ​ത്ര​മേ സ​മ്മ​തി​ദാ​നം രേ​ഖ​പ്പെ​ടു​ത്താ​നാ​വൂ എ​ന്ന ഗ​തി​കേ​ടി​ലാ​ണ് കൊ​ട്ടി​യം പ​റ​ക്കു​ള​ത്തെ വോ​ട്ടർ​മാർ. ഇ​ര​വി​പു​രം മ​ണ്ഡ​ല​ത്തി​ലെ 130-​ാം ന​മ്പർ ബൂ​ത്തിൽ വോ​ട്ട് ചെ​യ്യാ​നെ​ത്തു​ന്ന​വർ​ക്കാണാണ് പോളിംഗ് സ്റ്റേഷന് മുന്നിലൂടെ ഒഴുകുന്ന മാ​ലി​ന്യ​പ്പു​ഴ മറികടന്ന് വോട്ട് ചെയ്യേണ്ട അവസ്ഥ.

പോളിംഗ് സ്റ്റേഷനായ പ​റ​ക്കു​ളം സെൻ​ട്രൽ കാ​ഷ്യൂ ഫാ​ക്ട​റി​ക്ക് മു​ന്നി​ലാ​ണ് ഓ​ട​ നിറഞ്ഞ് ഒ​ഴു​കി​യെ​ത്തു​ന്ന മ​ലി​ന​ജ​ലം കെ​ട്ടി​കി​ട​ക്കു​ന്ന​ത്. കൊ​ട്ടി​യ​ത്തെ ഹോ​ട്ട​ലു​ക​ളിൽ നി​ന്നും ലോ​ഡ്​ജു​ക​ളിൽ നി​ന്നും ത​ള്ളു​ന്ന ക​ക്കൂ​സ് മാ​ലി​ന്യം ഉൾ​പ്പെ​ടെ​യു​ള്ള​വ​യാ​ണ് കെട്ടിനിൽക്കുന്നത്. പോ​ളിംഗ് ​സ്റ്റേ​ഷ​ന് മു​ന്നി​ലെ കു​ഴി​ക​ളിൽ കെ​ട്ടി​കി​ട​ക്കു​ന്ന മ​ലി​ന​ജ​ല​ത്തിൽ നി​ന്ന് രൂ​ക്ഷ​മാ​യ ദുർ​ഗ​ന്ധ​മാ​ണ് വ​മി​ക്കു​ന്ന​ത്.

മ​ലി​ന​ജ​ല​ത്തിൽ ച​വി​ട്ടാ​തെ പോ​ളിംഗ് സ്റ്റേ​ഷ​നി​ലേ​ക്ക് പ്ര​വേ​ശി​ക്കാൻ ക​ഴി​യി​ല്ല. പോ​ളിംഗ് ​സ്റ്റേ​ഷ​ന്റെ പ​രി​ശോ​ധ​ന​യ്​ക്കാ​യി നി​ര​വ​ധി ത​വണ ഉ​ദ്യോ​ഗ​സ്ഥ​രെ​ത്തി​യെ​ങ്കി​ലും വോട്ടർമാരുടെ ദു​രി​തം തീർ​ക്കാൻ ത​യ്യാ​റാ​യി​ല്ലെ​ന്ന് നാ​ട്ടു​കാർ പ​റ​യു​ന്നു. അ​ട​ഞ്ഞ് കി​ട​ക്കു​ന്ന ക​ശു​അ​ണ്ടി ഫാ​ക്ട​റി​യിൽ പോ​ളിംഗ് സ്റ്റേ​ഷൻ പ്ര​വർ​ത്തി​ക്കാ​നു​ള്ള സൗ​ക​ര്യ​ങ്ങൾ ഇ​ല്ലെ​ന്നും പ​രാ​തി​യു​ണ്ട്. പോളിംഗ് സ്റ്റേഷൻ സൗ​ക​ര്യ​പ്ര​ദ​മാ​യ ഇ​ട​ത്തേ​ക്ക് മാ​റ്റ​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും വി​ല്ലേ​ജ് അ​ധി​കൃ​തർ ത​യ്യാ​റാ​യി​ല്ലെ​ന്ന് യു​.ഡി​.എ​ഫ് പ്ര​തി​നി​ധി​കൾ പ​റ​ഞ്ഞു. മ​ലി​ന​ജ​ലം ച​വി​ട്ടി വോ​ട്ട് ചെ​യ്യാൻ എ​ത്തി​ല്ലെ​ന്ന നി​ല​പാ​ടി​ലാ​ണ് ഒ​രു വി​ഭാ​ഗം വോ​ട്ടർ​മാർ.