കു​ണ്ട​റ: രേ​ഖ​ക​ളി​ല്ലാ​തെ വോട്ട് ചെ​യ്യാ​നെ​ത്തി​യ​യാൾ മ​ര​ത്തിൽ​ക്ക​യ​റി ആ​ത്മ​ഹ​ത്യാ​ഭീ​ഷ​ണി മു​ഴ​ക്കി. മാ​മ്പു​ഴ നി​ഥിൻ ഭ​വ​നിൽ സു​രേ​ഷ് ബാ​ബു​വാ​ണ് ഇന്നലെ ഉ​ച്ച​യോ​ടെ മാ​മ്പു​ഴ സർ​ക്കാർ സ്​കൂ​ളി​ലെ 90-ാം ന​മ്പർ ബൂ​ത്തി​ലെ​ത്തി​യ​ത്. മ​ദ്യ​ല​ഹ​രി​യിൽ രേ​ഖ​ക​ളി​ല്ലാ​തെ എ​ത്തി​യ സു​രേ​ഷ് ബാ​ബു​വി​നെ പ്രിസൈ​ഡിം​ഗ് ഓ​ഫീ​സർ ത​ട​ഞ്ഞു. പ​ട്ടി​ക​യിൽ പേ​രു​ണ്ടെ​ന്നും ത​നി​ക്ക് വോ​ട്ട് ചെ​യ്യ​ണ​മെ​ന്നും ആ​വ​ശ്യ​പ്പെ​ട്ട് ഇയാൾ ബ​ഹ​ളം​ വ​ച്ചെ​ങ്കി​ലും ഓ​ഫീ​സർ അനുവദിച്ചി​ല്ല.

തുടർന്ന് സ​മീ​പ​ത്തെ ആൽ​മ​ര​ത്തിൽ​ ക​യ​റി ആ​ത്മ​ഹ​ത്യാ​ഭീ​ഷ​ണി മു​ഴ​ക്കി​യ സുരേഷ് ബാബുവിനെ താ​ഴെ​യി​റ​ക്കാൻ ഫ​യർ​ഫോ​ഴ്‌​സും പൊലീസും ചേർന്ന് ശ്രമിച്ചെങ്കിലം വി​ജ​യി​ച്ചി​ല്ല. ഒ​ടു​വിൽ തി​ര​ഞ്ഞെ​ടു​പ്പ് ഡ്യൂ​ട്ടി​യി​ലു​ണ്ടാ​യി​രു​ന്ന ഡി.വൈ.എ​സ്.പി ഇയാളെ അ​നു​ന​യി​പ്പി​ച്ച് താ​ഴെ​യി​റ​ക്കുകയായിരുന്നു.

താഴെയിറങ്ങിയ ഇയാൾ വോ​ട്ട് രേ​ഖ​പ്പെ​ടു​ത്ത​ണ​മെ​ന്ന ആ​വ​ശ്യവു​മാ​യി ബ​ഹ​ളം തു​ടർ​ന്ന​തോ​ടെ പൊ​ലീസ് ക​സ്റ്റ​ഡി​യി​ലെ​ടു​ത്തു. സ്‌​റ്റേ​ഷ​നി​ലെ​ത്തി​ച്ച​ശേ​ഷം താ​ക്കീ​ത് നൽ​കി വി​ട്ട​യ​യ്​ക്കു​ക​യാ​യി​രു​ന്നു.