തിരുവനന്തപുരം: പ്രധാനമന്ത്രിയുടെ സന്ദർശനവുമായി ബന്ധപ്പെട്ട് നഗരത്തിൽ ഇന്ന് ഉച്ചയ്ക്ക് 2 മുതൽ രാത്രി 10 വരെ ഗതാഗത ക്രമീകരണങ്ങൾ ഉണ്ടായിരിക്കുമെന്ന് ജില്ലാ പൊലീസ് മേധാവി അറിയിച്ചു.
ഉച്ചയ്ക്ക് 2 മുതൽ രാത്രി 10 വരെ ശംഖുംമുഖം, ആൾസെയിന്റ്സ്, ചാക്ക, പേട്ട, പാറ്റൂർ, ജനറൽ ആശുപത്രി, ആശാൻ സ്‌ക്വയർ, രക്തസാക്ഷി മണ്ഡപം, വി.ജെ.ടി, സ്പെൻസർ, സെൻട്രൽ സ്റ്റേഡിയം, പുളിമൂട്, ആയുർവേദ കോളേജ് റോഡുകളിൽ പാർക്കിംഗ് അനുവദിക്കുന്നതല്ല. വൈകിട്ട് 4 മുതൽ രാത്രി 10 വരെ ഈ റോഡിലുടെയുള്ള വാഹന ഗതാഗതം ഒഴിവാക്കേണ്ടതാണ്.
വൈകിട്ട് 4 മുതൽ രാത്രി 10 വരെ ജി.വി. രാജ, ആർ.ആർ ലാമ്പ്, മ്യൂസിയം, വെള്ളയമ്പലം, ആൽത്തറ, വഴുതക്കാട്, സാനഡു, തൈക്കാട് വരെയുള്ള റോഡിലും, പബ്ലിക് ലൈബ്രറി, നന്ദാവനം, ആർ.ബി.ഐ, ബേക്കറി, ജേക്കബ്സ്, ഗേറ്റ്-IV വരെയുള്ള റോഡിലും, രക്തസാക്ഷിമണ്ഡപം, വി.ജെ.ടി, സ്പെൻസർ, സെൻട്രൽ സ്റ്റേഡിയം, പുളിമൂട്, ആയുർവേദ കോളേജ് വരെയുള്ള റോഡിലും, അണ്ടർ പാസ്, ആശാൻ സ്‌ക്വയർ, ജനറൽ ആശുപത്രി, പേട്ട, ചാക്ക, ആൾസെയിന്റ്സ്, ശംഖുംമുഖം, എയർപോർട്ട് വരെയുള്ള റോഡുകളിലും ഗതാഗത നിയന്ത്റണവും പാർക്കിംഗ് നിയന്ത്റണവും ഉണ്ടായിരിക്കുന്നതാണ്.
നെയ്യാറ്റിൻകര, പാറശാല ഭാഗങ്ങളിൽ നിന്ന് സമ്മേളനവുമായി ബന്ധപ്പെട്ട് വരുന്ന ചെറിയ വാഹനങ്ങൾ കരമന – കിള്ളിപ്പാലം തമ്പാനൂർ – ആർ.എം.എസ്- ശ്രീകുമാർ തിയേറ്റർ വഴി ഗാന്ധാരിഅമ്മൻ കോവിൽ റോഡ് വഴി ഹൗസിംഗ് ബോർഡ് ജംഗ്ഷനിലെത്തി ആളെ ഇറക്കിയ ശേഷം ആറ്റുകാൽ ഗ്രൗണ്ടിൽ വാഹനം പാർക്ക് ചെയ്യേണ്ടതാണ്.
നെടുമങ്ങാട്, പേരൂർക്കട, അരുവിക്കര, വട്ടിയൂർക്കാവ് ഭാഗങ്ങളിൽ നിന്ന് വരുന്ന വാഹനങ്ങൾ മ്യൂസിയം ജംഗ്ഷനിൽ നിന്ന് തിരിഞ്ഞ് നന്ദാവനം, ബേക്കറി ഭാഗത്ത് ആളെ ഇറക്കിയ ശേഷം പൂജപ്പുര ഗ്രൗണ്ടിൽ പാർക്ക് ചെയ്യേണ്ടതാണ്.
മലയിൻകീഴ്, കാട്ടാക്കട ഭാഗങ്ങളിൽ നിന്നു വരുന്ന വാഹനങ്ങൾ പൂജപ്പുര – ജഗതി- മേട്ടുക്കട- സംഗീത കോളേജ് – മോഡൽ സ്‌കൂൾ ജംഗ്ഷൻ – ഹൗസിംഗ് ബോർഡ് ജംഗ്ഷനിലെത്തി ആളെ ഇറക്കിയ ശേഷം വാഹനങ്ങൾ പൂജപ്പുര ഗ്രൗണ്ടിൽ പാർക്ക് ചെയ്യേണ്ടതാണ്.
വർക്കല, ചിറയിൻകീഴ്, ആറ്റിങ്ങൾ ഭാഗങ്ങളിൽ നിന്നു വരുന്ന വാഹനങ്ങൾ തീരദേശ പാത വഴിയോ കഴക്കൂട്ടം ബൈപ്പാസ് വഴി ഈഞ്ചയ്ക്കൽ ജംഗ്ഷനിൽ നിന്നു തിരിഞ്ഞ് ഉപ്പിടാംമൂട് പാലം വഴി പുളിമൂട് ജംഗ്ഷനിലെത്തി ആളെ ഇറക്കിയശേഷം തിരികെ ബൈപാസിൽ പാർക്ക് ചെയ്യേണ്ടതാണ്.
വിഴിഞ്ഞം, കോവളം, തിരുവല്ലം ഭാഗങ്ങളിൽ നിന്നു വരുന്ന വാഹനങ്ങൾ കിഴക്കേകോട്ട ആയുർവേദകോളേജ് വഴി പുളിമൂട് ജംഗ്ഷനിൽ ആളെ ഇറക്കിയ ശേഷം തിരകെ വാഹനങ്ങൾ ഈഞ്ചയ്ക്കൽ, കോവളം ബൈപ്പാസിൽ പാർക്ക് ചെയ്യേണ്ടതാണ്.
എയർപോർട്ടിലേക്ക് വരുന്ന യാത്രക്കാർ ഗതാഗതത്തിരക്ക് കണക്കിലെടുത്ത് വൈകിട്ട് 4 മുതൽ രാത്രി 10 വരെയുള്ള യാത്രകൾ ക്രമീകരിക്കേണ്ടതാണ്.
സമ്മേളനം കഴിഞ്ഞ് ആറ്റിങ്ങൽ, വർക്കല, കൊല്ലം ഭാഗത്തേക്ക് പോകേണ്ട വാഹനങ്ങൾ വേളി, തുമ്പ, പെരുമാതുറ, പുതിയപാലം (തീരദേശപാത) വഴിയോ, തുമ്പ - കഴക്കൂട്ടം ദേശീയപാത വഴിയോ പോകേണ്ടതാണ്.
തെക്ക് ഭാഗത്തേക്ക് പോകേണ്ട വാഹനങ്ങൾ ഈഞ്ചയ്ക്കൽ ബൈപാസിൽനിന്നും ആളെ എടുത്ത് ഈഞ്ചയ്ക്കൽ, കോവളം, വിഴിഞ്ഞം വഴി പോകേണ്ടതാണ്.
വട്ടിയൂർക്കാവ്, മലയിൻകീഴ്, കാട്ടാക്കട, പേരൂർക്കട, നെടുമങ്ങാട് ഭാഗങ്ങളിലേക്ക് പോകേണ്ട വാഹനങ്ങൾ വന്ന വഴിതന്നെ തിരികെ പോകേണ്ടതാണ്.
വാഹനങ്ങൾ വഴിതിരിച്ച് വിടുന്ന സ്ഥലങ്ങൾ
കഴക്കൂട്ടം ബൈപ്പാസ് വഴി വരുന്ന ചെറിയ വാഹനങ്ങൾ കുഴിവിള ജംഗ്ഷനിൽ നിന്നോ വെൺപാലവട്ടം ജംഗ്ഷനിൽ നിന്നോ തിരിഞ്ഞ് പോകേണ്ടതാണ്.
കഴക്കൂട്ടം ബൈപ്പാസ് വഴി വരുന്ന കെ.എസ്.ആർ.ടി.സി ഉൾപ്പെടെയുള്ള ഹെവി വാഹനങ്ങൾ കാര്യവട്ടം, ശ്രീകാര്യം വഴി പോകേണ്ടതാണ്.
തമ്പാനൂർ, കിഴക്കേകോട്ട ഭാഗത്തേക്ക് പോകേണ്ട വാഹനങ്ങൾ പബ്ലിക് ലൈബ്രറി ഭാഗത്ത് നിന്നു തിരിഞ്ഞ് ബേക്കറി, പനവിള വഴി പോകേണ്ടതാണ്.