ആറ്റിങ്ങൽ: ആ​റ്റിങ്ങലുകാർ ശോഭാ സുരേന്ദ്രനെ വിജയിപ്പിച്ചാൽ അടുത്ത നരേന്ദ്ര മോദി മന്ത്റിസഭയിൽ അവർ ഉണ്ടാകുമെന്ന് കേന്ദ്ര മന്ത്റി മഹേഷ് ശർമ്മ പറഞ്ഞു.ശോഭാ സുരേന്ദ്രന്റെ തിരഞ്ഞെടുപ്പ് പ്രചാരണാർത്ഥം ആ​റ്റിങ്ങലിൽ പ്രമുഖ വ്യക്തികളുമായി സംവദിക്കുന്നതിന്റെ ഭാഗമായി റിവർ വ്യൂ റസ്റ്റോറന്റിൽ എത്തിയ മന്ത്റി പത്രക്കാരുടെ ചോദ്യങ്ങൾക്ക് മറുപടി പറയുകയായിരുന്നു. കഴിഞ്ഞ 65 വർഷമായി ഭാരതം അന്ധകാരത്തിലായിരുന്നു. 2014ൽ നരേന്ദ്ര മോദി പ്രധാനമന്ത്റിയായി വന്ന ശേഷമാണ് ഭാരതം പുരോഗതിയിലേക്ക് കുതിച്ചത്. രാഹുൽ ഗാന്ധിയുടെ കേരള സ്ഥാനാർത്ഥിത്വത്തിന് യാതൊരു ചലനവും ഉണ്ടാക്കാൻ സാധിക്കില്ലെന്നും മന്ത്റി പറഞ്ഞു.

ഇരുനൂറോളം പ്രമുഖ സാമുദായിക, സാംസ്‌കാരിക, സാമൂഹിക നേതാക്കൾ പരിപാടിയിൽ പങ്കെടുത്തു. ബി.ജെ.പി ദക്ഷിണമേഖല ഉപാദ്ധ്യക്ഷൻ തോട്ടയ്ക്കാട് ശശി അദ്ധ്യക്ഷത വഹിച്ചു. ആന്ധ്രപ്രദേശ് എം.എൽ.സി മാധവ് പി.വി.എൻ,​ ബി.ജെ.പി സംസ്ഥാന സെക്രട്ടറി അഡ്വ. പത്മകുമാർ, അഡ്വ. സുധീർ, ചെമ്പഴന്തി ഉദയൻ, മലയിൻകീഴ് രാധാകൃഷ്ണൻ, അഡ്വ. അനിൽ അയിക്കര, വക്കം അജിത്ത്, തോന്നയ്ക്കൽ രവി എന്നിവർ പങ്കെടുത്തു.