ഫ്ലോ​റി​ഡ: ഒ​മ്പ​തു പേ​രെ തട്ടിക്കൊണ്ടുപോയി കൊല്ലാൻ പദ്ധതിയിട്ട പതിനാലുകാരായ ര​ണ്ടു പെ​ൺകുട്ടികളെ ഫ്ലോ​റി​ഡ​ പൊലീസ് അറസ്റ്റുചെയ്തു. ഇ​വ​രു​ടെ കമ്പ്യൂട്ടറുകൾ പ​രി​ശോ​ധി​ച്ച അ​ദ്ധ്യാ​പി​ക​യാ​ണ് കൊ​ല​പാ​ത​ക പ​ദ്ധ​തി​യെക്കുറിച്ച് പൊലീസിനെ അറിയിച്ചത്. പ്രൈ​വ​റ്റ് ഇ​ൻ​ഫോ, ഡു ​നോ​ട്ട് ഓ​പ്പ​ൺ, പ്രോ​ജ​ക്‌ട് 11/9 തു​ട​ങ്ങി​യ പേ​രു​ക​ളിലുള്ള ഫോൾഡറുകൾ സംശയം തോന്നിയാണ് അദ്ധ്യാപിക തുറന്നുനോക്കിയത്.

തോ​ക്കു​ക​ളെക്കു​റി​ച്ചും അവ എങ്ങനെയാണ് പ്രവർത്തിപ്പിക്കേണ്ടതെന്നതിനെക്കുറിച്ചും മൃ​ത​ദേ​ഹ​ങ്ങ​ൾ ക​ത്തി​ച്ച്‌ തെ​ളി​വു​ക​ൾ ന​ശി​പ്പിച്ച് പൊലീസിന്റെ പിടിയിൽപെടാതെ രക്ഷപ്പെടുന്നതിനെക്കുറിച്ചും ഇതിൽ വ്യക്തമായി എ​ഴു​തി​യി​രു​ന്നു. കൊ​ല​പ്പെ​ടു​ത്തേ​ണ്ട ആ​ളു​ക​ളു​ടെ പേ​രു​വി​വ​ര​ങ്ങ​ളും ഇതിൽ രേഖപ്പെടുത്തിയിരുന്നു. എന്തുകൊണ്ടാണ് ഇവരെ കൊല്ലാൻ തീരുമാനിച്ചതെന്നും പറഞ്ഞിരുന്നു.

ഫോ​ൾ​ഡ​റു​കൾ പ​രി​ശോ​ധി​ക്കുന്നതറിഞ്ഞ് ഒാടിയെത്തിയ പെൺകു​ട്ടി​ക​ൾ പരിശോധന തടസപ്പെടുത്താനും ശ്രമിച്ചു.ഇതാണ് അദ്ധ്യാപികയ്ക്ക് കൂടുതൽ സംശയംതോന്നാൻ കാരണം.പി​ടി​ക്ക​പ്പെ​ട്ടാ​ൽ എല്ലാം തമാശയ്ക്കുവേണ്ടി ചെയ്തതാണെന്ന് പറയുമെന്ന് ഒരു പെൺകുട്ടി രണ്ടാമത്തെ ആളോട് പറയുന്നതും അദ്ധ്യാപിക കേട്ടു.

ഇരുവർക്കും ക്രിമിനൽ പശ്ചാത്തലമില്ല. പൊലീസ് സംഭവത്തെക്കുറിച്ച് കൂടുതൽ അന്വേഷണമാരംഭിച്ചു. ലിസ്റ്റിൽ പേരുള്ള ഒമ്പതുപേർക്കും പ്രത്യേക സുരക്ഷ നൽകാൻ പാെലീസ് തീരുമാനിച്ചിട്ടുണ്ട്. ഇവരെക്കുറിച്ചുള്ള കൂടതൽ വിവരങ്ങൾ അധികൃതർ പുറത്തുവിട്ടിട്ടില്ല.