ക്യാ​പ്ട​ൻ​ ​ശ്രേ​യ​സ് ​അ​യ്യ​ർ​ക്ക് 24​ ​വ​യ​സ്.​ ​ഇ​ന്ത്യ​ൻ​ ​കു​പ്പാ​യ​ത്തി​ൽ​ ​ക​ളി​ച്ചി​ട്ടു​ള്ള​ത് ​ആ​റു​വീ​തം​ ​ഏ​ക​ദി​ന​ങ്ങ​ളും​ ​ട്വ​ന്റി​-20​ ​ക​ളും.
ഋ​ഷ​ഭ് ​പ​ന്തി​ന് 21​ ​വ​യ​സ്.​ ​ഒ​ൻ​പ​ത് ​ടെ​സ്റ്റ്,​ ​അ​ഞ്ച് ​ഏ​ക​ദി​നം,​ 15​ ​ട്വ​ന്റി​-20​ ​എ​ന്നി​ങ്ങ​നെ​ ​അ​ന്താ​രാ​ഷ്ട്ര​ ​പ​രി​ച​യം.​ ​എ​ന്നാ​ൽ​ ​അ​ടു​ത്ത​ ​ലോ​ക​ക​പ്പി​നു​ള്ള​ ​ടീ​മി​ൽ​ ​സെ​ല​ക്ഷ​ൻ​ ​കി​ട്ടി​യി​ല്ല.
പൃ​ത്ഥ്വി​ ​ഷാ​യ്ക്ക് 19​ ​വ​യ​സ്.​ ​ര​ണ്ട് ​ടെ​സ്റ്റി​ൽ​ ​ക​ളി​ച്ചെ​ങ്കി​ലും​ ​പി​ന്നെ​ ​പ​രി​ക്ക് ​വി​ല്ല​നാ​യി.
ഈ​ ​പ​യ്യ​ൻ​മാ​രു​മാ​യി​ ​ഡ​ൽ​ഹി​ ​ഡെ​യ​ർ​ ​ഡെ​വി​ൾ​സ് ​ഡ​ൽ​ഹി​ ​ക്യാ​പ്പി​റ്റ​ൽ​സ് ​എ​ന്ന് ​പേ​രു​മാ​റ്റി​ ​ഈ​ ​സീ​സ​ണി​ലി​റ​ങ്ങു​മ്പോ​ൾ​ ​അ​ദ്ഭു​ത​ങ്ങ​ൾ​ ​ആ​രും​ ​പ്ര​തീ​ക്ഷി​ച്ചി​രു​ന്നി​ല്ല.​ ​എ​ന്നാ​ൽ​ 11​ ​മ​ത്സ​ര​ങ്ങ​ൾ​ ​പി​ന്നി​ട്ട​പ്പോ​ൾ​ ​ചെ​ന്നൈ​ ​സൂ​പ്പ​ർ​ ​കിം​ഗ്സി​ന് തൊട്ടുപി​ന്നി​ൽ ഡ​ൽ​ഹി​ ​ക്യാ​പ്പി​റ്റ​ൽ​സ് ​പോ​യി​ന്റ് ​പ​ട്ടി​ക​യി​ലെ​ത്തി​യി​രി​ക്കു​ന്നു.
ചെ​ന്നൈ​ 11​ ​ക​ളി​ക​ളി​ൽ​ ​നി​ന്ന് 16 ​പോ​യി​ന്റ് ​നേ​ടി​യെ​ങ്കി​ൽ​ ​ഡ​ൽ​ഹി​ക്ക് ​ 11​ ​മ​ത്സ​രങ്ങളി​ൽ നി​ന്ന് ​14 ​പോ​യി​ന്റ് ​ ലഭി​ച്ചി​രി​ക്കുന്നു.
ക​ഴി​ഞ്ഞ​ ​ദി​വ​സം​ ​രാ​ജ​സ്ഥാ​ൻ​ ​റോ​യ​ൽ​സി​നെ​തി​രെ​ ​ഡ​ൽ​ഹി​ ​നേ​ടി​യ​ ​വി​ജ​യം​ ​ടീ​മി​ന് ​ന​ൽ​കു​ന്ന​ത് ​പു​തി​യ​ ​പ്ര​തീ​ക്ഷ​ക​ളാ​ണ്.​ ​ലോ​ക​ക​പ്പ് ​ടീ​മി​ൽ​ ​ഇ​ടം​ ​ല​ഭി​ക്കാ​ത്ത​തി​ന്റെ​ ​ദേ​ഷ്യം​ ​തീ​ർ​ക്കു​ന്ന​തു​പോ​ലെ​ ​ഋ​ഷ​ഭ് ​പ​ന്ത് ​രാ​ജ​സ്ഥാ​ൻ​ ​ബൗ​ള​ർ​മാ​രെ​ ​അ​ടി​ച്ചു​ ​പ​റ​ത്തി​യ​പ്പോ​ൾ​ 192​ ​റ​ൺ​സി​ന്റെ​ ​ല​ക്ഷ്യം​ ​നി​സാ​ര​മാ​യി​ ​മാ​റി.​ ​പൃ​ത്ഥ്വി​ ​ഷാ​യ്ക്കൊ​പ്പം​ ​(42​)​ ​പ​രി​ച​യ​ ​സ​മ്പ​ന്ന​നാ​യ​ ​ശി​ഖ​ർ​ ​ധ​വാ​ൻ​ ​(54​)​ ​അ​ർ​ദ്ധ​ ​സെ​ഞ്ച്വ​റി​യു​മാ​യി​ ​മി​ന്നി​ത്തി​ള​ങ്ങി​യ​പ്പോ​ൾ​ ​ജ​യ്‌​പൂ​രി​ൽ​ ​ഓ​പ്പ​ണിം​ഗി​ൽ​ ​ത​ന്നെ​ ​ഡ​ൽ​ഹി​ ​വി​ജ​യ​മു​റ​പ്പി​ച്ച​താ​ണ്.​ ​തു​ട​ർ​ന്നാ​യി​രു​ന്നു​ ​പ​ന്തി​ന്റെ​ ​വി​ള​യാ​ട്ടം.
36​ ​പ​ന്തു​ക​ളി​ൽ​ ​നി​ന്ന് ​ഋ​ഷ​ഭ് ​അ​ടി​ച്ചു​കൂ​ട്ടി​യ​ത് 78​ ​റ​ൺ​സാ​ണ്.​ ​നാ​ല് ​സി​ക്സും​ ​ആ​റ് ​ഫോ​റും​ ​ആ​ ​ബാ​റ്റി​ൽ​ ​നി​ന്ന് ​പ​റ​ന്നു.​ ​അ​സാ​മാ​ന്യ​മാ​യ​ ​അ​ക്രോ​ബാ​റ്റി​ക് ​വ​ഴ​ക്ക​ത്തോ​ട​ ​ഋ​ഷ​ഭ് ​ബാ​റ്റു​ ​ചെ​യ്യു​ന്ന​ത് ​പ്ര​ഭു​ദേ​വ​യു​ടെ​ ​ഡാ​ൻ​സു​പോ​ലെ​ ​ക​ണ്ടി​രി​ക്കാ​മാ​യി​രു​ന്നു.
ബാ​റ്റിം​ഗി​ൽ​ ​പ​യ്യ​ൻ​മാ​രാ​ണ് ​ഡ​ൽ​ഹി​യു​ടെ​ ​തു​റു​പ്പു​ചീ​ട്ടെ​ങ്കി​ൽ​ ​ബൗ​ളിം​ഗി​ൽ​ ​പ​രി​ച​യ​ ​സ​മ്പ​ന്ന​രാ​ണ് ​ഉ​ത്ത​ര​വാ​ദി​ത്വ​മേ​ൽ​ക്കു​ന്ന​ത്.​ ​ഇ​ശാ​ന്ത് ​ശ​ർ​മ്മ,​ ​അ​മി​ത് ​മി​ശ്ര,​ ​അ​ക്ഷ​ർ​ ​പ​ട്ടേ​ൽ,​ ​ക്രി​സ് ​‌​മോ​റി​സ് ​എ​ന്നി​വ​ർ​ക്കൊ​പ്പം​ ​ദ​ക്ഷി​ണാ​ഫ്രി​ക്ക​ൻ​ ​പേ​സ​ർ​ ​റ​ബാ​ദ​യും​ ​ചേ​രു​ന്ന​ ​ഡ​ൽ​ഹി​യു​ടെ​ ​ബൗ​ളിം​ഗ് ​നി​ര​ ​ഏ​ത് ​എ​തി​രാ​ളി​ക​ളെ​യും​ ​വ​രു​തി​ക്ക് ​നി​റു​ത്താ​ൻ​ ​ക​ഴി​യു​ന്ന​താ​ണ്.​ 13​ ​ഓ​വ​റി​ൽ​ 135​ ​റ​ൺ​സ​ടി​ച്ചി​രു​ന്ന​ ​രാ​ജ​സ്ഥാ​നെ​ 200​ ​ക​ട​ത്താ​തി​രു​ന്ന​ത് ​ഡ​ൽ​ഹി​യു​ടെ​ ​ബൗ​ളിം​ഗ് ​മി​ക​വ് ​ത​ന്നെ​യാ​യി​രു​ന്നു.​ ​സെ​ഞ്ച്വ​റി​ ​തി​ക​ച്ച​ശേ​ഷം​ ​ര​ഹാ​നെ​യെ​ ​വ​മ്പ​ൻ​ ​ഷോ​ട്ടു​ക​ളു​തി​ർ​ക്കാ​ൻ​ ​അ​നു​വ​ദി​ച്ച​തു​മി​ല്ല.
ടീ​മി​ന്റെ​ ​മു​ഖ​മു​ദ്ര​ ​പി​ള്ളേ​ർ​ ​സെ​റ്റാ​ണെ​ങ്കി​ലും​ ​അ​വ​ർ​ക്ക് ​പി​ന്നി​ലു​ള്ള​ ​മ​ഹാ​ര​ഥ​ൻ​മാ​രാ​ണ് ​യ​ഥാ​ർ​ത്ഥ​ ​പോ​രാ​ളി​ക​ൾ.​ ​ആ​സ്ട്രേ​ലി​യ​ൻ​ ​മു​ൻ​ ​ക്യാ​പ്ട​ൻ​ ​റി​ക്കി​ ​പോ​ണ്ടിം​ഗ്,​ ​ഇ​ന്ത്യ​ൻ​ ​മു​ൻ​ ​ക്യാ​പ്ട​ൻ​ ​സൗ​ര​വ് ​ഗാം​ഗു​ലി,​ ​മു​ൻ​ ​ഇ​ന്ത്യ​ൻ​ ​താ​രം​ ​മു​ഹ​മ്മ​ദ് ​കെ​യ്ഫ് ​എ​ന്നി​വ​രാ​ണ് ​ആ​ ​ത്രി​മൂ​ർ​ത്തി​ക​ൾ.​ ​ഇ​ട​യ്ക്കു​ണ്ടാ​യ​ ​പ​രാ​ജ​യ​ങ്ങ​ളി​ൽ​ ​പ​ത​റാ​തെ​ ​ടീ​മി​നെ​ ​വീ​ണ്ടും​ ​വി​ജ​യ​ ​വ​ഴി​യി​ലെ​ത്തി​ച്ച​തി​ൽ​ ​ഇ​വ​രു​ടെ​ ​ത​ന്ത്ര​ങ്ങ​ൾ​ക്കും​ ​സാ​ന്നി​ദ്ധ്യ​ത്തി​നും​ ​വ​ലി​യ​ ​പ്രാ​ധാ​ന്യ​മു​ണ്ട്.
ഈ​ ​സീ​സ​ണി​ൽ​ ​പ്ളേ​ ​ഓ​ഫി​ലെ​ത്തു​ക​യാ​ണ് ​ഡ​ൽ​ഹി​യു​ടെ​ ​ഏ​റ്റ​വും​ ​അ​ടു​ത്ത​ ​ല​ക്ഷ്യം.​ ​ഇ​നി​ ​അ​ധി​കം​ ​തോ​ൽ​വി​ക​ൾ​ ​വ​ഴ​ങ്ങാ​തി​രു​ന്നാ​ൽ​ ​അ​ത് ​ന​ട​ക്കും.​ ​അ​ടു​ത്ത​ ​മ​ത്സ​രം​ ​ബാം​ഗ്ളൂ​ർ​ ​റോ​യ​ൽ​ ​ച​ല​ഞ്ചേ​ഴ്സി​നെ​തി​രെ​യാ​ണ്.​ ​ചെ​ന്നൈ,​ ​രാ​ജ​സ്ഥാ​ൻ​ ​എ​ന്നി​വ​ർ​ക്കെ​തി​രെ​യാ​ണ് ​ശേ​ഷി​ക്കു​ന്ന​ ​മ​ത്സ​ര​ങ്ങ​ൾ.

ഇന്നത്തെ മത്സരം

ബാംഗ്ളൂർ Vs പഞ്ചാബ്

(രാത്രി 8 മുതൽ)