തിരുവനന്തപുരം: ഫാം ഇൻഫർമേഷൻ ബ്യൂറോയുടെ അമ്പതാം വാർഷികത്തോടനുബന്ധിച്ച് 'കൃഷി എന്ന പൈതൃകം' എന്ന വിഷയത്തെ ആസ്പദമാക്കി സംഘടിപ്പിക്കുന്ന വീഡിയോ മത്സരത്തിന് എൻട്രികൾ ക്ഷണിക്കുന്നു. മൊബൈൽ ഫോൺ, പ്രൊഫഷണൽ ക്യാമറ എന്നിവ ഉപയോഗിച്ച് ചിത്രീകരിച്ച വിഡിയോകൾ അയയ്ക്കാം. പരമാവധി ദൈർഘ്യം 5 മിനി​റ്റ്. എച്ച്.ഡി ഫോർമാ​റ്റിൽ ഉള്ളതും പ്രൊഫഷണലുമായ വീഡിയോകൾക്ക് മുൻഗണന. വീഡിയോകൾ ഫാം ഇൻഫർമേഷൻ ബ്യൂറോയുടെ ഓഫീസിൽ നേരിട്ടോ, fibshortfilmcontest@gmail.com എന്ന ഇ-മെയിൽ വഴിയോ, 6238039997 എന്ന വാട്‌സാപ്പ് നമ്പറിലോ, fib video contest/fibkerala എന്ന ഫേസ്ബുക് പേജിൽ മെസഞ്ചർ വഴിയോ അയയ്ക്കാം. 20,000 രൂപയാണ് ഒന്നാം സമ്മാനം.12,500 രൂപ, 5,000 രൂപ എന്നീക്രമത്തിലാണ് രണ്ടും മൂന്നും സമ്മാനങ്ങൾ. എഫ്.ഐ.ബി വീഡിയോ കോണ്ടസ്റ്റ് പേജ് വഴി ഏ​റ്റവും കൂടുതൽ ലൈക് ലഭിക്കുന്ന എൻട്രിക്ക് 5,000രൂപ സമ്മാനം ലഭിക്കും. അവസാന തീയതി ജൂൺ 10.