തിരുവനന്തപുരം : കേരളകൗമുദി നോൺ ജേർണലിസ്റ്റ്സ് അസോസിയേഷന്റെ ആഭിമുഖ്യത്തിൽ മേയ്ദിനാഘോഷം നടത്തും.

ഇന്ന് രാവിലെ 9.30ന് പേട്ട കേരള കൗമുദി ഓഫീസിനു മുന്നിൽ പതാക ഉയർത്തും.10 മണിക്ക് പേട്ട റെയിൽവേ സ്റ്റേഷനു സമീപമുള്ള കെ.ബാലകൃഷ്ണൻ സ്മാരക ഹാളിൽ അസോസിയേഷൻ പ്രസിഡന്റ് വി.ബാലഗോപാലിന്റെ അദ്ധ്യക്ഷതയിൽ കൂടുന്ന മേയ്ദിന സമ്മേളനം മുല്ലക്കര രത്‌നാകരൻ എം.എൽ.എ ഉദ്ഘാടനം ചെയ്യും. അസോസിയേഷൻ വർക്കിംഗ് പ്രസിഡന്റ് എസ്.ആർ. അനിൽകുമാർ ആശംസാ പ്രസംഗം നടത്തും. അസോസിയേഷൻ ജനറൽ സെക്രട്ടറി കെ.എസ്.സാബു സ്വാഗതവും വൈസ് പ്രസിഡന്റ് എസ്. ഉദയകുമാർ നന്ദിയും പറയും. തുടർന്ന് കേരള കൗമുദി നോൺ ജേർണലിസ്റ്റ്സ് അസോസിയേഷന്റെ ജനറൽ ബോഡി യോഗം നടക്കും.