ഹരിപ്പാട്: ദേശീയപാതയിൽ കാറുകൾ കൂട്ടിയിടിച്ചു. കുട്ടികൾ ഉൾപ്പടെയുള്ളവർ നിസാര പരിക്കുകളോടെ രക്ഷപെട്ടു. ദേശീയപാതയിൽ ഡാണാപ്പടി പാലത്തിന് സമീപം ഇന്നലെ രാവിലെ 7.30 ഓടെയായിരുന്നു അപകടം. രണ്ട് ദിശയിൽ നിന്നും വന്ന കാറുകൾ കൂട്ടിയിടിക്കുകയായിരുന്നു. പരി​ക്കേറ്റ കാറിലെ യാത്രക്കാർ സമീപത്തെ സ്വകാര്യ ആശുപത്രിയിൽ പ്രാഥമിക ചികിത്സ തേടി. അപകടത്തെ തുടർന്ന് ദേശീയപാതയിൽ ഒരു മണിക്കൂറോളം ഗതാഗതം തടസപ്പെട്ടു.