കൊച്ചി: ഈ അവധിക്കാലത്ത് ഭാരതപര്യടനത്തിന് പോകാം. 10,395 രൂപ കൈയിലുണ്ടായാൽ മതി. യാത്രയും താമസവും ഭക്ഷണവുമുൾപ്പെടെയാണ് ടിക്കറ്റ് നിരക്ക്. 11 ദിവസത്തേയാണ് പാക്കേജ്.
ഭാരത് ദർശൻ ടൂറിസ്റ്റ് ട്രെയിൻ എന്ന പേരിൽ ഇന്ത്യൻ റെയിൽവേ കാറ്ററിംഗ് & ടൂറിസം കോർപ്പറേഷന്റെ (ഐ.ആർ.സി.ടി.സി) ടൂറിസം പദ്ധതിയാണിത്.
മെയ് 20ന് മധുരയിൽ നിന്നും പുറപ്പെടുന്ന സ്പെഷ്യൽ ട്രെയിൻ ഗോവ, ഹൈദരാബാദ്, പുരി, കൊണാർക്ക്, കൊൽക്കത്ത എന്നീ സ്ഥലങ്ങൾ സന്ദർശിച്ച് മെയ് 31ന് മടങ്ങിയെത്തും. മറ്റ് യാത്രികർ ട്രെയിനിലുണ്ടാവില്ല.
പാക്കേജിൽ ട്രെയിൻ ടിക്കറ്റ്, ഭക്ഷണം, ഡോർമിറ്ററി താമസം, സ്ഥലങ്ങൾ സന്ദർശിക്കുവാൻ വാഹന സൗകര്യം, ടൂർ എസ്‌കോർട്ട്, ട്രെയിൻ കോച്ചുകളിൽ സെക്യൂരിറ്റി എന്നിവയുൾപ്പെടുന്നു.
തിരുവനന്തപുരം, കൊല്ലം, കോട്ടയം, എറണാകുളം, തൃശൂർ, ഷൊർണൂർ, കോഴിക്കോട്, കണ്ണൂർ, കാസർഗോഡ് എന്നിവിടങ്ങളിൽ സ്പെഷ്യൽ ട്രെയിന് സ്റ്റോപ്പുണ്ട്.
കേന്ദ്ര/സംസ്ഥാന/പൊതുമേഖലാ സ്ഥാപനങ്ങളിൽ ജോലി ചെയ്യുന്നവർക്ക് എൽ.ടി.സി സൗകര്യം ലഭ്യമാണ്.
തിരുപ്പതി പാക്കേജ് 6,665 രൂപ
തിരുപ്പതി ബാലാജി ദർശൻ കോച്ച് ടൂർ മെയ് 16ന് തിരുവനന്തപുരത്തു നിന്നും പുറപ്പെടും. തിരുമല ശ്രീ വെങ്കടേശ്വര ക്ഷേത്രം, ശ്രീ കാളഹസ്തി ക്ഷേത്രം, തിരുച്ചാനൂർ ശ്രീ പദ്മാവതി ക്ഷേത്രം എന്നിവിടങ്ങൾ സന്ദർശിച്ച് 19ന് മടങ്ങിയെത്തും. ടിക്കറ്റ്, താമസം, വാഹനം, തിരുമല ശീഘ്ര ദർശൻ ടിക്കറ്റ്, ടൂർ മാനേജർ തുടങ്ങിയ ഉൾപ്പെടെയാണ് റേറ്റ്. തിരുവനന്തപുരം, കൊല്ലം, കോട്ടയം, എറണാകുളം, തൃശൂർ, പാലക്കാട് തുടങ്ങിയ സ്റ്റേഷനുകളിൽ സ്റ്റോപ്പുണ്ട്.
സിംഗപ്പൂർ-മലേഷ്യ ഗ്രൂപ്പ് ടൂർ
കൊച്ചി വിമാനത്താവളത്തിൽ നിന്ന് ജൂൺ 22ന് പുറപ്പെട്ട് 27ന് തിരികെയെത്തുന്ന പാക്കേജിലൂടെ ഗാർഡൻസ് ബൈ ദി ബേ, സിംഗപ്പൂർ സിറ്റി ടൂർ, സിംഗപ്പൂർ ഫ്‌ളൈയർ, സെന്റോസ ദ്വീപ്, ജുറോംഗ് ബേർഡ് പാർക്ക്, ക്വാലാലംപൂർ സിറ്റി ടൂർ, പെട്രോണസ് ടവർ, ജെന്റിങ്ങ് ഹൈലൻഡ്‌സ്, ബാട്ടു ഗുഹകൾ, പുത്രജയ എന്നീ സ്ഥലങ്ങൾ സന്ദർശിക്കാം.
വിമാന ടിക്കറ്റ്, ത്രീ സ്റ്റാർ ഹോട്ടലുകളിൽ താമസസൗകര്യം, എ.സി വാഹനം, ഭക്ഷണം, പ്രവേശന ടിക്കറ്റുകൾ, ടൂർ ഗൈഡ്, വിസ, ഇൻഷ്വറൻസ് എന്നിർ റേറ്റിൽ ഉൾപ്പെടുന്നു.
വിവരങ്ങൾക്ക്:-ഇന്ത്യൻ റെയിൽവേ കാറ്ററിംഗ് & ടൂറിസം കോർപ്പറേഷൻ ലിമിറ്റഡ് തിരുവനന്തപുരം – 9567863245, എറണാകുളം 9567863242/41, കോഴിക്കോട് – 9746743047.