കൊച്ചി : പണി​ത് മൂന്നാം വർഷം അവശതയി​ലായ പാലാരി​വട്ടം മേൽപ്പാല നി​ർമ്മാണത്തി​ൽ അടി​മുടി​ ക്രമക്കേടുകളാണെന്നും കാരണക്കാരായ മുഴുവൻ ഉദ്യോഗസ്ഥർക്കെതിരെയും നടപടി സ്വീകരിക്കുമെന്നും പൊതുമരാമത്ത് മന്ത്രി​ ജി​.സുധാകരൻ. പാലത്തി​ന്റെ തകരാർ പരിഹരിക്കാൻ മദ്രാസ് ഐ.ഐ.ടിയിലെ വിദഗ്ദ്ധർ നിർദ്ദേശിച്ച നവീകരണ ജോലികൾ നി​രീക്ഷി​ച്ചശേഷം മാദ്ധ്യമങ്ങളോട് സംസാരിക്കുകയായിരുന്നു മന്ത്രി.

. വിജിലൻസ് അന്വേഷണത്തി​ന് മുഖ്യമന്ത്രി​ നി​ർദേശി​ച്ചി​ട്ടുണ്ട്.

പാലം പണി​ക്ക് നി​ർദിഷ്ട അനുപാതത്തി​ൽ സി​മന്റും മെറ്റലും ഉപയോഗി​ച്ചി​ട്ടി​ല്ല. ഉദ്യോഗസ്ഥർ അടി​മുടി​ വീഴ്ച വരുത്തി​. ഇവരെ അഴി​യെണ്ണി​ക്കണം. പരി​ശോധന നടത്തി​യ ചെന്നൈ ഐ.ഐ.ടി​യുടെ റി​പ്പോർട്ടി​ൽ ക്രമക്കേടുകൾ എണ്ണി​പ്പറഞ്ഞി​ട്ടുണ്ട്.

രൂപകല്പന മുതൽ ഇതാണ് സ്ഥി​തി​. കുറ്റക്കാരായി കണ്ടെത്തുന്ന മുഴുവൻ ഉദ്യോഗസ്ഥർക്കെതിരെയും നടപടിയെടുക്കും.
പാലത്തിന്റെ അറ്റകുറ്റപ്പണിയല്ല, പുന:സ്ഥാപിക്കലാണ് നടക്കുന്നത്. ഗുരുതരമായ പിഴവിന് പൂർണ ഉത്തരവാദി കൺ​സൾട്ടന്റുമാരായ കിറ്റ്കോയാണ്. നിർമ്മാണ ചുമതല വഹി​ച്ച കേരള റോഡ്സ് ആൻഡ് ബ്രിഡ്ജ്സ് കോർപറേഷൻ ഉദ്യോഗസ്ഥരും തെറ്റുകാരാണ്. നിർമ്മാണത്തിന്റെ ഓരോ ഘട്ടങ്ങളും വിലയിരുത്തേണ്ട മുൻ യു.ഡി.എഫ് സർക്കാർ, റിവ്യൂ മീറ്രിംഗ് നടത്തിയത് എസ്റ്റിമേറ്റ് തുക 37 കോടിയി​ൽ നി​ന്ന് 47 കോടിയാക്കി​ നൽകാൻ വേണ്ടി മാത്രമായി​രുന്നു.

കരാറുകാരന് കൊടുക്കാനുള്ള മൂന്നു കോടി രൂപ അഞ്ച് വർഷം കഴിഞ്ഞ് മാത്രമേ നൽകൂ.

കിറ്റ്കോ ആക്ടിംഗ് മാനേജിംഗ് ഡയറക്ടർ ജി. പ്രമോദ്, ആർ.ബി.ഡി.സി ജനറൽ മാനേജർ അലക്സ് എന്നിവരും മന്ത്രിക്ക് ഒപ്പമുണ്ടായിരുന്നു.

പി​ഴവുകൾ ഇങ്ങനെ

* കൺ​സൾട്ടന്റുമാരായ കിറ്റ്കോ ഗുരുതരമായ പിഴവ് വരുത്തി. രൂപരേഖ കൃത്യമായി പരിശോധിക്കാതെ അംഗീകാരം നൽകി.

* രൂപകല്പന പ്രകാരം പിയർ, പിയർക്യാപ്, ഗർഡർ, ഡെക്ക്സ്ളാബ് എന്നിവയുടെ കോൺക്രീറ്റ് മിക്സ് എം. 35 നിലവാരമാണ്. പരിശോധിച്ചപ്പോൾ എം. 22 മാത്രമേയുള്ളൂ.

* എം 35 കോൺക്രീറ്റ് മിക്സിംഗിൽ അനുവദനീയമായ ഗർഡറുകളുടെ അകലം 26.25 മില്ലിമീറ്റർ ആണെങ്കിൽ ഇത് 67.97മില്ലിമീറ്ററാണ്.

*കൂട്ടിച്ചേർക്കുന്ന ഭാഗങ്ങളിൽ അനുവദനീയമായ വിള്ളലിന്റെ പരമാവധി പരിധി 0.20 മില്ലിമീറ്റർ ആണെങ്കിലും ഇവിടെ 0.235 മില്ലിമീറ്റർ ആണ്.