കോലഞ്ചേരി: ചൂണ്ടി പുത്തൻകുരിശ് റോഡിൽ പ്രവർത്തിക്കുന്ന സ്വകാര്യ ഫർണിച്ചർ കടയിൽ നിന്ന് മൊബൈൽ ഫോണും ,പണവുമടങ്ങുന്ന പഴ്‌സും കവർന്നയാൾ സി.സി.ടി.വിയിൽ കുടുങ്ങി. ഇന്നലെ വൈകിട്ട് 3.50നും 4.15നും ഇടയിലുള്ള സമയത്താണ് മോഷണം . ഷർട്ടും മുണ്ടും ധരിച്ച് ഏകദേശം 35, 40 വയസ്സ് പ്രായം തോന്നിക്കുന്ന മോഷ്ടാവ് ഫർണിച്ചർ കടയിലെത്തി അവിടെ പാർക്ക് ചെയ്തിരുന്ന ഓമ്‌നി വാനിൽ നിന്നാണ് മൊബൈൽ ഫോണും പണവും കവരുകയായിരുന്നു.. പൊലീസ് സഹായത്തോടെ മൊബൈൽ ടവർ ലൊക്കേഷൻ മനസ്സിലാക്കി കോലഞ്ചേരിയിൽ അന്വേഷിച്ചതിന്റെ അടിസ്ഥാനത്തിൽ കോളജിനോട് ചേർന്നുള്ളകെട്ടിടത്തിന്റെ വെയ്സ്​റ്റ് കൂട്ടിയിട്ടിരിക്കുന്നതിന്റെ അടിയിൽ നിന്ന് മൊബൈൽ ഫോണും പണമെടുത്തതിന് ശേഷം കാലിയാക്കിയ പഴ്‌സും കണ്ടെത്തി. മോഷ്ടാവ് കോലഞ്ചേരിയിൽ തന്നെയുണ്ടെന്നാണ് നിഗമനം.പുത്തൻകുരിശ് പൊലീസ് കേസ് രജിസ്​റ്റർ ചെയ്ത് അന്വേഷണം തുടങ്ങി.