മൂവാറ്റുപുഴ: പായിപ്ര എ. എം. ഇബ്രാഹിം സാഹിബ് പബ്ലിക് ലെെബ്രറിയുടെ ആഭിമുഖ്യത്തിൽ വായനയുടെ കാലിക പ്രസക്തി എന്ന വിഷയത്തിൽ സെമിനാർ നടത്തി. ടി.ആർ. സജീവ്കുമാർ വിഷയം അവതരിപ്പിച്ചു. ലെെബ്രറി പ്രസിഡന്റ് എം.കെ. ജോർജ് അദ്ധ്യക്ഷത വഹിച്ചു. സെക്രട്ടറി എം.എസ്. ശ്രീധരൻ സ്വാഗതം പറഞ്ഞു. എ.പി. കുഞ്ഞ് മോഡറേറ്ററായിരുന്നു. ബ്ലോക്ക് പഞ്ചായത്ത് മെമ്പർ പായിപ്ര കൃഷ്ണൻ, ജില്ലാ ലെെബ്രറി കൗൺസിൽ ജോയിന്റ് സെക്രട്ടറി സി.കെ. ഉണ്ണി, വി.പി.ആർ. കർത്ത, കെ. ഘോഷ്, ചിത്രകാരൻ വി.സി. വാസുദേവൻ, സജേഷ് സാജു, വിദ്യാ സജേഷ് എന്നിവർ സംസാരിച്ചു.