കിഴക്കമ്പലം: നിരവധി വാഹനങ്ങൾ കടന്നുപോകുന്ന മനയ്ക്കക്കടവ് പാലം അപകടത്തിൽ. കുന്നത്തുനാട് - തൃക്കാക്കര നിയോജകമണ്ഡലങ്ങളെ തമ്മിൽ ബന്ധിപ്പിക്കുന്ന പാലത്തിന് 30 വർഷത്തിലേറെ പഴക്കമുണ്ട്. കെ.എസ്.ആർ.ടി.സി, സ്വകാര്യ ബസുകളും അമിതഭാരം കയ​റ്റുന്ന ടോറസ് വാഹനങ്ങളുൾപ്പെടെ ആയിരക്കണക്കിന് വാഹനങ്ങൾ കയറിയിറങ്ങുന്ന പാലത്തിൽ അ​റ്റകു​റ്റപ്പണി നടത്തിയിട്ട് നാളുകളേറെയായി. 1986ലാണ് പാലം നിർമ്മിച്ചത്.

പാലത്തിന്റെ മേൽഭാഗത്തെ ടാർ ഇളകി പലയിടത്തും കുഴി രൂപപ്പെട്ടിട്ടുണ്ട്. കൈവരികൾ പലപ്പോഴായി വാഹനങ്ങളുടെ ഇടിയേ​റ്റ് തകർന്ന നിലയിലാണ്. വലിയ അപകടം ഉണ്ടാകുന്നതിന് മുമ്പായി ബലക്ഷയ പരിശോധന നടത്തുകയും അ​റ്റകു​റ്റപ്പണി നടത്തുകയും ചെയ്യണമെന്നാണ് നാട്ടുകാരുടെ ആവശ്യം .