മൂവാറ്റുപുഴ: .പേപ്പതിയിൽ നിന്ന് കുന്നുക്കുരുടിയിലേക്ക് പോകുകയായിരുന്ന മാരുതി കാറി​ന് പെരുവും മൂഴി പെട്രോൾ പമ്പിന് സമീപം തീപി​ടി​ച്ചു..എടയ്ക്കാട്ടുവയൽ തുരുത്തേൽ വർഗീസിന്റെ മാരുതി കാറിനാണ് തീ പിടിച്ചത്. ഇന്നലെ വെെകുന്നേരം നാലി​നാണ് സംഭവം. മൂന്ന് സ്ത്രീകളും മൂന്ന് കുട്ടികളുമടക്കം ആറ് പേരാണ് കാറിലുണ്ടായിരുന്നത്. വീട്ടമ്മയാണ് കാർ ഓടിച്ചിരുന്നത്. കാർ പൂർണ്ണമായി കത്തിനശിച്ചു. ഓടിക്കൊണ്ടിരുന്ന കാറിൽ നിന്ന് പെട്ടെന്ന് പുകയുയരുന്നതു കണ്ട കാർഓടി​ച്ചി​രുന്ന വീട്ടമ്മ ഉടൻ കാർനിർത്തി കുട്ടികളേയും പുറത്തിറക്കി ഓടുകയായിരുന്നു. മൂവാറ്റുപുഴയിൽ നിന്നും , പിറവത്തുനിന്നുംഎത്തി​യ ഫയർഫോഴ്സംഘം ഫയർ ഓഫീസർ ജോൺജി പ്ലാക്കലിന്റെ നേതൃത്വത്തിൽ തീ അണച്ചു. കൊച്ചി- ധനുഷ്കോടി റോഡിൽ മണിക്കൂറുകളോളം ഗതാഗതം തടസപ്പെട്ടു. രാമമംഗലം പൊലീസ് ഗതാഗതം പുനസ്ഥാപിച്ചു.