കോതമംഗലം: ദേവഗിരി ശ്രീനാരായണ ഗുരുദേവ മഹാക്ഷേത്രത്തിൽ നിന്ന് കുട്ടികൾക്കുള്ള പഠനോപകരണങ്ങളുടെ വിതരണം നടത്തി. ക്ഷേത്ര തിരുമുറ്റത്ത് നടന്ന ചടങ്ങ് എസ് എൻ ഡി പി യൂണിയൻ പ്രസിഡന്റ് അജി നാരായണൻ ഉദ്ഘാടനം ചെയ്തു. യൂണിയൻ സെക്രട്ടറി പി.എ. സോമൻ, ക്ഷേത്രം കൺവീനർ സജീവ് പാറയ്ക്കൽ, വൈസ് പ്രസിഡന്റ് എം.കെ. മണി, കൗൺസിൽ അംഗങ്ങളായ ഷിനിൽകുമാർ കെ.എസ്, ടി.ജി. അനി, എം.വി. രാജീവ്, പി.വി. വാസു, വനിതാസംഘം സെക്രട്ടറി മനി രാജിവ്,, സൈബർസേന ജില്ലാ ഭാരവാഹി അജേഷ് തട്ടേക്കാട് തുടങ്ങിയവർ പ്രസംഗിച്ചു. യൂണിയന്റെ പരിധിയിലുള്ള 26 ശാഖകളിൽ നിന്ന് 180 പേർക്കാണ് പഠനോപകരണ കിറ്റ് വിതരണം ചെയ്തത്.