മൂവാറ്റുപുഴ: ഡി.വെെ.എഫ്.ഐ തൃക്കളത്തൂർ കാവുംപടി യൂണിറ്റ് സംഘടിപ്പിച്ച പ്രതിഭാസംഗമവും പഠനോപകരണ വിതരണവും മുൻ ജില്ലാ ജോയിന്റ് സെക്രട്ടറി കെ.എൻ. ജയപ്രകാശ് ഉദ്ഘാടനം ചെയ്തു. ശ്രീരാജ് കെ.എസ്. അദ്ധ്യക്ഷത വഹിച്ചു. തൃക്കളത്തൂർ സർവീസ് സഹകരണ ബാങ്ക് പ്രസിഡന്റ് ബാബുബേബി കുട്ടികൾക്കുള്ള പഠനോപകരണ വിതരണം നിർവഹിച്ചു. നേതാക്കളായ കെ.എസ്. സന്ദീപ് , റിയാസ് ഖാൻ, അജിൻ അശോകൻ, ടി.ആർ. ലെനിൻ, വിമൽചന്ദൻ എന്നിവർ സംസാരിച്ചു.