മൂവാറ്റുപുഴ: എസ് എൻ ഡി പി യോഗം മൂവാറ്റുപുഴ യൂണിയന്റേയും ശ്രീനാരായണ ധർമ്മസംഘം ട്രസ്റ്റ് ഗുരുധർമ്മ പ്രചാരണസഭ ശിവഗിരിമഠം മൂവാറ്റുപുഴ മണ്ഡലം കമ്മറ്റിയുടേയും സംയുക്താഭിമുഖ്യത്തിൽ നടത്തിവരുന്ന പ്രതിമാസ പഠനക്ലാസ് ജൂൺ 2 ന് രാവിലെ 10ന് ശ്രീനാരായണ ബിഎഡ് കോളേജ് ആഡിറ്റോറിയത്തിൽ നടക്കുമെന്ന് യൂണിയൻ പ്രസിഡന്റ് വി.കെ. നാരായണൻ , സെക്രട്ടറി ഇൻചാർജ് അഡ്വ.എ.കെ. അനിൽകുമാർ, ധർമ്മസംഘം പ്രചാരണ സമിതി അഡ്ഹോക്ക് കമ്മിറ്റി ചെയർമാൻ വി.കെ. ഹരിഹരൻ എന്നിവർ അറിയിച്ചു. ശ്രീനാരായണ ഗുരുദേവന്റെ ദാർശനിക കൃതിയായ ആത്മോപദേശക ശതകം അടിസ്ഥാനമാക്കി ഡോ. ഗീത സുരാജ് പ്രഭാഷണം നടത്തും. പഠന ക്ലാസിൽ എല്ലാവർക്കും പങ്കെടുക്കാം.