പറവൂർ : കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ യൂണിറ്റിന്റെ സാമൂഹ്യക്ഷേമ പ്രവർത്തനങ്ങൾ നഗരസഭ ചെയർമാൻ രമേഷ് ഡി. കുറുപ്പ് ഉദ്ഘാടനം ചെയ്തു. മുൻ സംസ്ഥാന പ്രസിഡന്റ് കമാൻഡർ കെ.കുര്യാക്കോസ് അനുസ്മരണം, പഠനോപകരണ വിതരണം, ജീവകാരുണ്യപ്രവർത്തനങ്ങളുടെ വിതരണം എന്നിവ നടന്നു. പ്രസിഡന്റ് എൻ.എം. അബ്ദുൽ സമദ് അധ്യക്ഷത വഹിച്ചു. ജില്ലാ സെക്രട്ടറി മനോഹരൻ, അസീസ് മൂസ, കെ. മുരളീധരഷേണായ്, കെ.പി. ധനപാലൻ, ജി. ജയപാൽ തുടങ്ങിയവർ സംസാരിച്ചു.