കൊച്ചി : സി.ഐ.എസ്.എഫ് ദക്ഷിണ മേഖലയ്ക്കു കീഴിലെ യൂണിറ്റുകളിൽ നിന്നു വിരമിച്ച ജീവനക്കാരുടെയും കുടുംബാംഗങ്ങളുടെയും പെൻഷൻ സംബന്ധമായ പരാതികൾ പരിഹരിക്കാൻ അദാലത്ത് സംഘടിപ്പിക്കുന്നു. ജൂലായ് 12ന് രാവിലെ 11 ന് കാക്കനാട് കേന്ദ്രീയഭവനിൽ സംഘടിപ്പിക്കുന്ന അദാലത്തിൽ ചെന്നൈയിലെ ഓഫീസ് ഉദ്യോഗസ്ഥരും ബാങ്ക് അധികൃതരും പങ്കെടുക്കും. കോടതിയിൽ നടക്കുന്ന കേസുകളിൽ അദാലത്ത് ഇടപെടില്ലെന്ന് അധികൃതർ അറിയിച്ചു.