രാജാക്കാട് : രണ്ടര വയസ്സുള്ള കുട്ടിയെ ഉപേക്ഷിച്ച് കാമുകനൊപ്പം പോയ യുവതിയായ മാതാവ് അറസ്റ്റിൽ. രാജകുമാരി നോർത്ത് സ്വദേശിനിയെ ആണ് എസ്.ഐ അനൂപ്‌മോന്റെ നേതൃത്വത്തിലുള്ള പൊലീസ് സംഘം അറസ്റ്റ് ചെയ്തത്.
ഭർത്താവ് വിദേശത്തായതിനാൽ യുവതിയും കുട്ടിയും പ്രായമായ മാതാപിതാക്കൾക്കൊപ്പം ഭർതൃഭവനത്തിൽ ആയിരുന്നു താമസം. ഇതിനിടെ സമീപവാസിയായ യുവാവുമായി ഇവർ അടുപ്പത്തിലാകുകയും നവംബർ മാസത്തിൽ കുട്ടിയെ ഉപേക്ഷിച്ച് യുവാവിനൊപ്പം ഒളിച്ചോടുകയും ചെയ്തു. വൃദ്ധരായ മാതാപിതാക്കൾ രാജാക്കാട് പൊലീസിൽ പരാതി നൽകി. പൊലീസ് നടത്തിയ അന്വേഷണത്തിൽ ഒരുമിച്ച് താമസിക്കുകയായിരുന്ന യുവതിയെ കണ്ടെത്തി അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ ഇവരെ റിമാന്റ് ചെയ്തു.