ക​ണ്ണൂ​ർ: ക​ണ്ണൂ​ർ കോ​ർപ്പ​റേ​ഷ​നി​ൽ ഡെ​പ്യൂ​ട്ടി മേ​യ​ർ പി.കെ രാഗേഷുമായുള്ള പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ സി.പി.എം നീ​ക്കം തു​ട​ങ്ങി. ഡെ​പ്യൂ​ട്ടി മേ​യ​റെ കൂ​ട്ട് പി​ടി​ച്ച് ഭ​ര​ണ​മാ​റ്റ​ത്തി​നു​ള്ള അ​ണി​യ​റ നീ​ക്ക​ങ്ങ​ൾ യു.ഡി.എഫ് തു​ട​ങ്ങി​യ​തോ​ടെ​യാ​ണ് ഇടപെടൽ. ഡപ്യൂട്ടി മേയറെ മെരുക്കുന്നതിന്റെ ആ​ദ്യ​പ​ടി​യാ​യി പി.​കെ രാ​ഗേ​ഷി​ന് പു​തി​യ കാ​ർ വാ​ങ്ങാൻ കൗ​ൺ​സി​ൽ തീ​രു​മാ​നി​ച്ചു.

മേ​യ​ർ​ക്കും ഡെ​പ്യൂ​ട്ടി മേ​യ​ർ​ക്കും പു​തി​യ കാ​ർ വാ​ങ്ങു​ന്ന​തു​മാ​യി ബ​ന്ധ​പ്പെ​ട്ട ത​ർ​ക്ക​മാ​യി​രു​ന്നു രാ​ഗേ​ഷി​നെ സി.പി​.എ​മ്മു​മാ​യി കൂ​ടു​ത​ൽ അ​ക​ലാ​ൻ ഇ​ട​യാ​ക്കി​യ​ത്. മേ​യ​ർ​ക്കു മാ​ത്രം കാ​ർ വാ​ങ്ങി​യ സംഭവത്തി​ൽ പ്ര​തി​ഷേ​ധി​ച്ച് രാ​ഗേ​ഷ് കൗ​ൺ​സി​ൽ യോ​ഗം ബ​ഹി​ഷ്ക​രി​ക്കു​ക​യും ചെ​യ്തി​രു​ന്നു. ഈ ​പ്ര​തി​സ​ന്ധി തീ​ർ​ക്കാനാ​ണ് ഒ​രു കാ​ർ കൂ​ടി വാ​ങ്ങു​ന്നത്. മേ​യ​ർ​ക്ക് വാ​ങ്ങി​യ ഇ​ന്നോ​വ ക്രി​സ്റ്റ ത​ന്നെ​യാ​ണ് ഡെ​പ്യൂ​ട്ടി മേ​യ​ർ​ക്കും വാ​ങ്ങു​ന്ന​ത്. പി.​കെ. രാ​ഗേ​ഷു​മാ​യി കോ​ൺ​ഗ്ര​സ് നേ​താ​വ് കെ.​ സു​ധാ​ക​ര​ൻ ച​ർ​ച്ച ന​ട​ത്തി​യ​തോ​ടെ​യാ​ണ് ഭ​ര​ണം പി​ടി​ച്ചെ​ടു​ക്കാ​ൻ യു.ഡി​.എ​ഫ് നീ​ക്കം ന​ട​ത്തു​ന്ന​താ​യി അ​ഭ്യൂ​ഹം പ​ട​ർ​ന്ന​ത്. നി​ല​വി​ൽ ഭര​ണ​സ​മി​തി​യു​ടെ കാ​ലാ​വ​ധി തീ​രാ​ൻ ഒ​രു വ​ർ​ഷ​ത്തി​ല​ധി​കം ഉ​ണ്ട്.