ജില്ലാ പൊലീസ് ചീഫിനും വിമർശനം

ക​ണ്ണൂ​ർ:പോസ്റ്റൽ ബാലറ്റ് പേപ്പർ കണ്ടെത്തുന്നതിന് ജില്ലാ പൊലീസ് സൂപ്രണ്ട് ഓഫീസിന്റെ മൂക്കിന് താഴെയുള്ള പൊലീസ് ഹെഡ് ക്വാർട്ടേഴ്സ് തലശേരി എ. എസ്.പി അരവിന്ദ് സുകുമാറിന്റെ നേതൃത്വത്തിൽ റെയ്ഡ് നടത്തിയതിൽ ഡി.ജി.പിക്കും ആഭ്യന്തരവകുപ്പിനും കടുത്ത അതൃപ്തി. റെയ്ഡിനെ തുടർന്ന് ജില്ലയിലെ പൊലീസുകാരിൽ ഒരു വിഭാഗം എസ്.പി ജി. ശിവവിക്രമിനെതിരെ രംഗത്തെത്തിയിട്ടുണ്ട്.

ജില്ലാ പൊലീസ് ആസ്ഥാനം പ്രവർത്തിക്കുന്ന കണ്ണൂരിന്റെ ചുമതലയുള്ള ഡിവൈ. എസ്.പി കെ.വി.വേണുഗോപാലിനെ മാറ്റി തലശേരി എ. എസ്.പിയെ നിയോഗിച്ചതാണ് പൊലീസ് സേനയിൽ അമർഷത്തിന് കാരണമായത്.

എസ്.പിയെ മാറ്റണമെന്ന് ഒരു വിഭാഗം പൊലീസ് ഉദ്യോഗസ്ഥർ ആഭ്യന്തരവകുപ്പിനോട് ആവശ്യപ്പെട്ടിട്ടുണ്ട്. തിരഞ്ഞെടുപ്പ് ഫലം വരുന്നതോടെ എസ്.പിക്ക് സ്ഥാനചലനമുണ്ടാകുമെന്നാണ് സൂചന.ശനിയാഴ്ച രാത്രി 7.30 മുതൽ ഒരു മണിക്കൂർ സമയമാണ് റെയ്ഡ് നടത്തിയത്. എ. എസ്.പി ഒറ്റയ്ക്കാണ് റെയ്ഡ് നടത്തിയത്. ഗൺമാനെ പുറത്ത് നിർത്തിയായിരുന്നു പരിശോധന. എ​സ്.പി​യു​ടെ ന​ട​പ​ടി പൊ​ലീ​സ് സേ​ന​യ്ക്ക് അ​വ​മ​തി​പ്പ് ഉ​ണ്ടാ​ക്കി​യെ​ന്ന ത​ര​ത്തി​ൽ പൊ​ലീ​സ് ര​ഹ​സ്യാ​ന്വേ​ഷ​ണ വി​ഭാ​ഗം ഡി​.ജി.​പി​ക്ക് റി​പ്പോ​ർ​ട്ട് ന​ൽ​കി​യി​ട്ടുണ്ട്. ര​ഹ​സ്യാ​ന്വേ​ഷ​ണ വി​ഭാ​ഗം റിപ്പോർട്ടിന്റെ അ​ടി​സ്ഥാ​ന​ത്തി​ൽ ഡി.​ജി​.പി എ​സ്.പി​യോ​ട് വി​ശ​ദീ​ക​ര​ണം ചോ​ദി​ച്ചേ​ക്കും.

ക​ണ്ണൂ​ർ റേ​ഞ്ച് ഐ​ജി​യും റെ​യ്ഡി​നെ​ക്കു​റി​ച്ച് അ​റി​ഞ്ഞി​ട്ടി​ല്ലെ​ന്നാ​ണ് പൊ​ലീ​സ് അ​സോ​സി​യേ​ഷ​ൻ നേ​താ​ക്ക​ൾ ആ​രോ​പി​ക്കു​ന്ന​ത്. സം​ഭ​വ​ത്തി​ൽ ആ​ഭ്യ​ന്ത​ര​വ​കു​പ്പും ഇ​ട​പെ​ടു​ന്ന​താ​യാ​ണ് സൂ​ച​ന. പൊ​ലീ​സു​കാ​രു​ടെ ശു​ചി​മു​റി​യി​ല​ട​ക്കം പ​രി​ശോ​ധ​ന ന​ട​ത്തി​യി​രു​ന്നു. ക്യാ​മ്പി​ലെ ശു​ചി​മു​റി​ക​ളും കെ​ട്ടി​ട​ഭാ​ഗ​ങ്ങ​ളും ഉ​ൾ​പ്പെ​ടെ പ​രി​ശോ​ധി​ച്ചെ​ങ്കി​ലും ഒ​ന്നും ക​ണ്ടെ​ത്താ​ൻ കഴിഞ്ഞില്ല.റെയ്ഡ് പൊലീസുകാരുടെ മനോവീര്യം തകർക്കാൻ യു.ഡി. എഫ് നടത്തിയ കെണിയാണെന്നും ഇതി. എസ്.പിയടക്കമുള്ളവർ കരുക്കളായെന്നുമാണ് ഇവരുടെ വാദം.കണ്ണൂരിലെ കോൺഗ്രസ് പ്രമുഖന്റെ നിർദേശ പ്രകാരമാണ് റെയ്ഡ് നടത്തിയതെന്നാണ് എൽ.ഡി. എഫ് ആരോപിക്കുന്നത്.