മാഹി:പള്ളൂരിൽ ബി.ജെ.പി. പ്രവർത്തകന്റെ വീടിന് നേരെ ബോംബേറ്. ബി.ജെ.പി. പ്രവർത്തകനായ രാജന്റെ പളളൂർ കോയ്യോട്ട് തെരുവിലെ വീടിന് നേരെ പുലർച്ചെയായിരുന്നു ബോംബേറിഞ്ഞത്.ആർക്കും പരിക്കില്ല. സംഭവവുമായി ബന്ധപ്പെട്ട് മൂന്ന് സി.പി.എം.പ്രവർത്തകരെ പള്ളൂർ പൊലീസ് കസ്റ്റഡിയിലെടുത്തു.
സംഘർഷ സാദ്ധ്യത കണക്കിലെടുത്ത് മാഹിയിൽ പോലീസ് സുരക്ഷ ശക്തമാക്കി. മേഖലയിൽ പൊലീസ് വ്യാപക പരശോധന നടത്തി. കണ്ണൂരിൽ നിന്നെത്തിയ ബോംബ് ഡോഗ് സ്‌ക്വാഡ്കളുടെ നേതൃത്വത്തിലാണ് പരശോധന നടത്തിയത്.അക്രമികൾക്കെതിരെ കർശന നടപടികൾ സ്വീകരിക്കുമെന്ന് മാഹി പൊലീസ് സൂപ്രണ്ട് വംശീധര റെഡ്ഡി അറിയിച്ചു.