കണ്ണൂ​ർ: വോ​ട്ടെ​ണ്ണ​ൽ ദി​ന​ത്തി​ൽ വ്യാ​പ​ക​മാ​യി സം​ഘ​ർ​ഷ​ത്തി​നു സാ​ദ്ധ്യ​ത​യു​ണ്ടെ​ന്ന ര​ഹ​സ്യാ​ന്വേ​ഷ​ണ വി​ഭാ​ഗ​ത്തിന്റെ മു​ന്ന​റി​യി​പ്പി​നെ തു​ട​ർ​ന്ന് ക​ണ്ണൂ​രി​ൽ സു​ര​ക്ഷ ക​ർ​ശ​ന​മാ​ക്കി.5000 ത്തോ​ളം പൊ​ലീ​സു​കാ​രെയാണ് കണ്ണൂരിൽ വിന്യസിച്ചിട്ടുള്ളത്. കണ്ണൂർ,​ വടകര മണ്ഡലങ്ങളിലെ വിവിധ പ്രദേശങ്ങളിൽ സംഘർഷ സാദ്ധ്യതയുണ്ടെന്നാണ് ഇന്റലിജൻസ് റിപ്പോർട്ട് നൽകിയിരിക്കുന്നത്. ആ​ർ.​ആ​ർ​.ആ​ർ​.എ​ഫ് ബ​റ്റാ​ലി​യ​ൻ സാ​യു​ധ പൊ​ലീ​സും മൊ​ബൈ​ൽ പ​ട്രോ​ളിം​ഗ് യൂ​ണി​റ്റ​ട​ക്കം അ​യ്യാ​യി​ര​ത്തോ​ളം സേ​നാം​ഗ​ങ്ങ​ളെയാണ് വിന്യസിച്ചിരിക്കുന്നത്. മൂ​ന്ന് ഡി​വൈ​. എസ്.പിമാ​ർ​ക്കാ​ണ് സു​ര​ക്ഷാ ചു​മ​ത​ല.

ജി​ല്ല​യി​ലെ പ്ര​ധാ​ന കേ​ന്ദ്ര​ങ്ങ​ളി​ൽ പൊ​ലീ​സ് പി​ക്ക​റ്റിംഗും ഏർപ്പെടുത്തിയിട്ടുണ്ട്. കൂ​ടാ​തെ, നൂ​റോ​ളം മൊ​ബൈ​ൽ പ​ട്രോ​ളിം​ഗ് ഇന്നലെ വൈകിട്ട് മുതൽ ജില്ലയിൽ പ്രവർത്തനം തുടങ്ങി. ജി​ല്ല​യി​ലെ പ്ര​ധാ​ന റോ​ഡു​ക​ളി​ൽ സി​.സി.​ടി​വി കാ​മ​റ നി​രീ​ക്ഷ​ണം ഉ​ണ്ടാ​കും. വോ​ട്ടെ​ണ്ണ​ൽ കേ​ന്ദ്ര​മാ​യ ചാ​ല ചി​ൻ​ടെ​ക് കോ​ള​ജി​ന​ക​ത്തും പു​റ​ത്തും ഡി​വൈ.​എ​സ്.പി മാ​രു​ടെ നേ​തൃ​ത്വ​ത്തി​ൽ വ​ൻ സു​ര​ക്ഷ​യാണ് ഒരുക്കിയിരിക്കുന്നത്. വോ​ട്ടെ​ണ്ണ​ൽ കേ​ന്ദ്ര​ത്തി​ലേ​ക്കു​ള്ള റോ​ഡി​ൽ ഗ​താ​ഗ​ത നി​യ​ന്ത്ര​ണ​വും ഏർപ്പെടുത്തിയിട്ടുണ്ട്.

സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത് ജി​ല്ല​യി​ലെ വി​വി​ധ രാ​ഷ്ട്രീ​യ പാ​ർ​ട്ടി​ക​ളു​ടെ ഓ​ഫീ​സു​ക​ൾ​ക്ക് സു​ര​ക്ഷ ഏ​ർ​പ്പെ​ടു​ത്തി. ഇ​ന്നലെ രാ​ത്രി മു​ത​ൽ രാ​ഷ്ട്രീ​യ പാ​ർ​ട്ടി​ക​ളു​ടെ ഓ​ഫീ​സു​ക​ൾ​ക്കു മു​ന്നി​ൽ പൊ​ലീ​സ് കാ​വ​ലേർപ്പെടുത്തി.

ജി​ല്ല​യി​ലെ പ്ര​മു​ഖ പാ​ർ​ട്ടി​ക​ളു​ടെ നേ​താ​ക്ക​ൾ​ക്കും അ​വ​രു​ടെ വീ​ടു​ക​ൾ​ക്കും സു​ര​ക്ഷ ഏ​ർ​പ്പെ​ടു​ത്തി. ക്രി​മി​ന​ൽ കേ​സു​ക​ളി​ൽ പ്ര​തി​യാ​യ​വ​രെ​യും മ​റ്റു ക്രി​മി​ന​ൽ സ്വ​ഭാ​വ​മു​ള്ള​വ​രെ​യും മു​ൻ​ക​രു​ത​ലാ​യി അ​റ​സ്റ്റ് ആ​രം​ഭി​ച്ചു. അ​ക്ര​മ​ത്തി​ലേ​ർ​പ്പെ​ടു​ന്ന​വ​ർ​ക്കെ​തി​രേ ശ​ക്ത​മാ​യ പൊ​ലീ​സ് ന​ട​പ​ടി​യു​ണ്ടാ​കു​മെ​ന്ന് ജി​ല്ലാ പൊ​ലീ​സ് മേ​ധാ​വി ജി. ​ശി​വ​വി​ക്രം അ​റി​യി​ച്ചു. ജി​ല്ല​യി​ൽ സ​മാ​ധാ​നം ഉ​റ​പ്പു​വ​രു​ത്തു​ന്ന​തി​നാ​യി പൊ​ലീ​സിന്റെ സു​ര​ക്ഷാ ന​ട​പ​ടി​ക​ളു​മാ​യി പൊ​തു​ജ​ന​ങ്ങ​ളും രാ​ഷ്‌​ട്രീ​യ പാ​ർ​ട്ടി നേ​താ​ക്ക​ളും സ​ഹ​ക​രി​ക്ക​ണ​മെ​ന്ന് ജി​ല്ലാ പൊലീ​സ് മേ​ധാ​വി അ​ഭ്യർഥിച്ചു.

സുരക്ഷ ഇങ്ങനെ

അയ്യായിരം സേനാംഗങ്ങളെ വിന്യസിപ്പിച്ചു

രാ​ഷ്ട്രീ​യ പാ​ർ​ട്ടി​ക​ളു​ടെ ഓ​ഫീ​സു​ക​ൾ​ക്ക് സു​ര​ക്ഷ

പ്ര​മു​ഖ പാ​ർ​ട്ടി​ക​ളു​ടെ നേ​താ​ക്ക​ൾ​ക്കും അ​വ​രു​ടെ വീ​ടു​ക​ൾ​ക്കും സു​ര​ക്ഷ

ക്രി​മി​ന​ൽ കേ​സു​ക​ളി​ൽ പ്ര​തി​യാ​യ​വ​രെ കസ്റ്റഡിയിലെടുത്തു

വോട്ടെണ്ണൽ കേന്ദ്രത്തിന്റെ അകത്തും പുറത്തും കനത്ത സുരക്ഷ