കൊയിലാണ്ടി: കൊയിലാണ്ടി താലൂക്കിലെ പേരാമ്പ്ര പഞ്ചായത്തില്‍ ചേനായിയിൽ കൊയിലാണ്ടി താലൂക്ക് സപ്ലൈ ഓഫീസര്‍ വി.പി.രാജീവന്റെ നേതൃത്വത്തില്‍ നടത്തിയ പരിശോധനയില്‍ അനര്‍ഹമായി കൈവശം വെച്ച എ.എ.വൈ, പി.എച്ച്.എച്ച്, സബ്സിഡി വിഭാഗത്തില്‍പ്പെട്ട 26 റേഷന്‍കാര്‍ഡുകള്‍ പിടിച്ചെടുത്തു. അനര്‍ഹമായി വാങ്ങിയ റേഷന്‍സാധനങ്ങളുടെ വിപണിവില കാര്‍ഡുടമകളില്‍ നിന്ന് ഈടാക്കുന്നതിനുള്ള നടപടികള്‍ സ്വീകരിച്ചുവരികയാണ്. പരിശോധനയില്‍ താലൂക്ക് സപ്ലൈ ഓഫീസര്‍ക്കുപുറമെ റേഷനിംഗ് ഇന്‍സ്പെക്ടര്‍മാരായ എസ്.കെ സജിത.എന്‍ ലിജി, എം.പി.ശ്രീജ, എം.ശ്രീജു, ജ്യോതിബസു എന്നിവര്‍ പങ്കെടുത്തു.