വൈക്കം : കൊടിയ വേനലിലും അവഗണിക്കപ്പെട്ട് തെളിനീർ വ​റ്റാതെ ഒരു ജലസ്രോതസ്. രാജഭരണകാലത്ത് കച്ചേരിക്കവലയോട് ചേർന്ന് നിർമ്മിച്ച പൊതുകിണറാണ് മരങ്ങൾ വളർന്ന് കാടുകയറി നശിക്കുന്നത്. മിനി സിവിൽ സ്​റ്റേഷൻ വളപ്പിൽ റോഡരികിലാണ് കിണർ സ്ഥിതി ചെയ്യുന്നത്. നൂ​റ്റാണ്ടിനും മുൻപ് തിരുവിതാംകൂറിലെ ആദ്യ കോടതികളിലൊന്ന് വൈക്കത്ത് സ്ഥാപിക്കപ്പെട്ടപ്പോൾ മുതൽ കിണർ ഇവിടെയുണ്ട്. ഏതാനും വർഷങ്ങൾക്ക് മുൻപ് വരെ പടിഞ്ഞാറെനടയിലെ സ്ഥാപനങ്ങളും നാട്ടുകാരുമെല്ലാം ഈ വെള്ളം ഉയോഗിച്ചിരുന്നു. റോഡരികിൽ നിന്ന് വെള്ളം കോരിയെടുക്കാവുന്നരീതിയിലാണ് കിണർ. മിനി സിവിൽ സ്​റ്റേഷൻ പണികഴിപ്പിച്ചപ്പോൾ ഈ ഭാഗം അടച്ചുകെട്ടി. ഉപയോഗമില്ലാതായതോടെ കിണറിനുള്ളിൽ മരങ്ങൾ വളർന്നു. പാഴ്മരങ്ങളുടെ വേരുകൾ ആണ്ടിറങ്ങി കിണറിന്റെ ഭിത്തികൾക്ക് വിള്ളൽ വീണു.ഇലകൾ വീണ് അഴുകി വെള്ളം മലിനമായി. പ


കച്ചേരിക്കവലയിലെ പൊതുകിണർ നഗരത്തിലെ ജനങ്ങൾക്ക് പ്രയോജനകരമാകുന്ന രീതിയിൽ സംരക്ഷിക്കണം. രാജഭരണകാലത്തെ ചരിത്രത്തിന്റെ ശേഷിപ്പ് കൂടിയായി കിണറിനെ പരിഗണിക്കണം.

പി.സോമൻ പിള്ള, (താലൂക്ക് റസിഡന്റ്‌സ് അസോസിയേഷൻ ട്രഷറർ)