പുഞ്ചവയൽ: എസ്.എൻ.ഡി.പി.യോഗം 2642ാം നമ്പർ പുഞ്ചവയൽ ശാഖയിലെ ശ്രീനാരായണ ഗുരുദേവ പഞ്ചലോഹ വിഗ്രഹപ്രതിഷ്ഠയും ക്ഷേത്രസമർപ്പണവും ഇന്ന് നടക്കും. യോഗം ജനറൽ സെക്രട്ടറി വെള്ളാപ്പള്ളി നടേശൻ ക്ഷേത്രം നാടിന് സമർപ്പിക്കും. ശാഖയിൽ പണി പൂർത്തിയായ നടപ്പന്തൽ, തിടപ്പള്ളി, ചുറ്റുമതിൽ, പ്രാർത്ഥനാഹാഹാൾ എന്നിവയുടെ സമർപ്പണവും ഒപ്പം നടക്കും.
ഉച്ചക്ക് 12.10നും 12.40നും മദ്ധ്യേ ഗുരുദേവപഞ്ചലോഹവിഗ്രഹപ്രതിഷ്ഠ കുറിച്ചി അദ്വൈതവിദ്യാശ്രമം ധമ്മചൈതന്യസ്വാമികളുടെ സാന്നിദ്ധ്യത്തിൽ മുക്കുളം വിജയൻതന്ത്രികൾ നിർവഹിക്കും. തുടർന്ന് അനുബന്ധകർമ്മങ്ങളും ആചാര്യദക്ഷിണയും. 1.30ന് മഹാപ്രസാദമൂട്ട്. 3ന് യോഗം ജനറൽ സെക്രട്ടറിക്കും മറ്റ് വിശിഷ്ഠാതിഥികൾക്കും പുഞ്ചവയൽ ആനിക്കുന്ന് ജംഗ്ഷനിൽ സ്വീകരണം. തുടർന്ന് സമർപ്പണസമ്മേളനത്തിൽ ഹൈറേഞ്ച് യൂണിയൻ പ്രസിഡന്റ് ബാബു ഇടയാടിക്കുഴി അദ്ധ്യക്ഷത വഹിക്കും. എസ്.എൻ.ട്രസ്റ്റ്‌ ബോർഡ് അംഗം പ്രീതി നടേശൻ ഭദ്രദീപപ്രകാശനവും ധർമ്മചൈതന്യസ്വാമി അനുഗ്രഹപ്രഭാഷണവും നടത്തും. യൂണിയൻ വൈസ് പ്രസിഡന്റ് ലാലിറ്റ് എസ്. തകടിയേൽ നടപ്പന്തലും, സെക്രട്ടറി അഡ്വ.പി. ജീരാജ് പ്രാർത്ഥനാഹാളും ഡയറക്ടർബോഡ് അംഗം ഷാജി ഷാസ്ചുറ്റുമതിലും സമർപ്പിക്കും.കെ.എ. വിജയൻ കളത്തിൽ, ഇ.ആർ. പ്രതീഷ് ഈറ്റുവേലി, ത്രിതലപഞ്ചായത്ത് അംഗങ്ങൾ, സാമൂഹ്യ-സാംസ്‌കാരിക സംഘടനാനേതാക്കൾ എസ്.എൻ.ഡി.പി.യോഗം യൂണിയൻ, ശാഖാ നേതാക്കൾ തുടങ്ങിയവർ സംസാരിക്കും.