വൈക്കം : സത്യാഗ്രഹ സ്മാരക ആശ്രമം സ്‌കൂളിലെ സ്റ്റുഡന്റ് പൊലീസ് കേഡറ്റുകളുടെ പഞ്ചദിന ക്യാമ്പിന്റെ സമാപന സമ്മേളനവും എസ്. എസ്.എൽ.സി.ക്ക് മികച്ച വിജയം നേടിയ വിദ്യാർത്ഥികൾക്കുള്ള പുരസ്കാര വിതരണവും വൈക്കം സി.ഐ എസ്.നിസ്സാമുദ്ദീൻ ഉദ്ഘാടനം ചെയ്തു.
പി.ടി.എ പ്രസിഡന്റ് വി.വി.കനകാംബരൻ അദ്ധ്യക്ഷത വഹിച്ചു. ഹെഡ്മിസ്ട്രസ് പി.ആർ.ബിജി, പ്രിൻസിപ്പൽമാരായ കെ.വി.പ്രദീപ് കുമാർ, ഷാജി ടി. കുരുവിള, എൽ.പി.എസ് ഹെഡ്മാസ്റ്റർ പി.ടി.ജിനീഷ്, കൗൺസിലർ കെ.ആർ.സംഗീത, ജനമൈത്രി പൊലീസ് സി.ആർ.ഒ കെ.വി.സന്തോഷ്, സി.പി.ഒ കെ.കെ.സാബു, എ.സി.പി ഒ.അമൃത പാർവ്വതി, എസ്.പി.സി ചാർജ് ടി.ശ്രീനി എന്നിവർ പ്രസംഗിച്ചു. മികച്ച വിജയം നേടിയ വിദ്യാർത്ഥികളായ ആർദ്റ ടി.ജയകുമാർ, എം.എസ്.സേതുലക്ഷ്മി, ശ്രീലക്ഷ്മി അനൂഷ്, നന്ദന ശിവദാസ്, അക്ഷയ് അനിൽ, അതുൽ ബിജു എന്നിവരെ ആദരിച്ചു.