തലയോലപ്പറമ്പ് : എസ്. എൻ. ഡി. പി യോഗം 740ാം ബ്രഹ്മമംഗലം ശാഖയിലെ ആർ. ശങ്കർ കുടുംബ യൂണിറ്റിന്റെ ആഭിമുഖ്യത്തിൽ പരീക്ഷകളിൽ ഉന്നത വിജയംകരസ്ഥമാക്കിയവരെ ആദരിച്ചു. ജേർണലിസത്തിൽ രണ്ടാം റാങ്ക് കരസ്ഥമാക്കിയ ആര്യാദേവിക്ക് പൊന്നാടയും സമ്മാനങ്ങളും നൽകി തലയോലപ്പറമ്പ് യൂണിയൻ സെക്രട്ടറി എസ്.ഡി സുരേഷ്ബാബു മെറി​റ്റ് ഈവനിംഗ് പരിപാടി ഉദ്ഘാടനം ചെയ്തു. കുടുംബ യൂണി​റ്റ് ചെയർമാൻ ഷിബു മൂകംതറ അദ്ധ്യക്ഷത വഹിച്ചു. ശാഖ സെക്രടറി കെ.പി ജയപ്രകാശ് സംഘടന സന്ദേശം നൽകി. ഉന്നത വിജയം നേടിയ ഗൗരിപ്രിയ ഷിബു, ദൃശ്യ സനീഷ്, എം.എ ഹരി എന്നിവരെ ചടങ്ങിൽ ആദരിച്ചു. രജനി പ്രകാശൻ നന്ദി രേഖപ്പെടുത്തി.