ചങ്ങനാശേരി: എസ്.എൻ.ഡി.പി യോഗം ചങ്ങനാശേരി യൂണിയന്റെ ആഭിമുഖ്യത്തിൽ എറണാകുളം മുക്തിഭവൻ കൗൺസലിംഗ് സെന്ററിന്റെ സഹകരണത്തോടെ യുവതി-യുവാക്കൾക്കുള്ള വിവാഹ പൂർവ കൗൺസലിംഗ് കോഴ്സിന്റെ 56-ാമത് ബാച്ച് നാളെ മുതൽ ചങ്ങനാശേരി ആനന്ദാശ്രമം യു.പി. സ്കൂൾ ഹാളിൽ നടത്തും. രാവിലെ 9ന് യൂണിയൻ പ്രസിഡന്റ് ഗിരീഷ് കോനാട്ട് കോഴ്സ് ഉദ്ഘാടനം ചെയ്യും. സെക്രട്ടറി പി.എം. ചന്ദ്രൻ അദ്ധ്യക്ഷത വഹിക്കും. ബോ‌ർഡ് മെമ്പർ എൻ. നടേശൻ, കൗൺസിലർ സുരേഷ് പരമേശ്വരൻ എന്നിവർ സംസാരിക്കും. വിവിധ വിഷയങ്ങളിൽ ഗ്രെയ്സ് ലാൽ, രാജേഷ് പൊന്മല, സുരേഷ് പരമേശ്വരൻ, അനൂപ് വൈക്കം, ഡോ. ശരത്ചന്ദ്രൻ, വി.എം. ശശി എന്നിവർ ക്ലാസുകളെടുക്കും.