കോട്ടയം: പാലാ ഉപതിരഞ്ഞെടുപ്പിൽ ഇടതുമുന്നണി സ്ഥാനാർത്ഥിയായി മാണി സി. കാപ്പനെ മത്സരിപ്പിക്കാൻ എൻ.സി.പി തീരുമാനം. കോട്ടയത്ത് ചേർന്ന എൻ.സി.പി നേതൃയോഗമാണ് ഇതുസംബന്ധിച്ച് തീരുമാനമെടുത്തത്. എന്നാൽ ഇതിനെക്കുറിച്ച് ഇടതുമുന്നണിയിൽ ചർച്ച ചെയ്തിട്ടില്ലെന്ന് എൻ.സി.പി നേതൃത്വം അറിയിച്ചു. എൻ.സി.പിയുടെ സ്ഥാനാർത്ഥിപ്രഖ്യാപനം എൽ.ഡി.എഫിൽ അറിയിക്കുമെന്ന് എൻ.സി.പി ദേശീയ സമിതി അംഗം സുൽഫിക്കർ മയൂരി പറഞ്ഞു.

അവസാനം നടന്ന മൂന്ന് നിയമസഭാ തെരഞ്ഞെടുപ്പുകളിലും പാലാ മണ്ഡലത്തിൽ കെ.എം.മാണിയുടെ എതിരാളി മാണി സി കാപ്പനായിരുന്നു.