വാഷിംഗ്ടൺ: ഫ്ലോറിഡയിൽ 136 യാത്രക്കാരുമായി പുറപ്പെട്ട വിമാനം നദിയിലേക്കു വീണു. മിയാമി ഇന്റർനാഷണലിന്റെ ബോയിംഗ്737 എന്ന വിമാനമാണ് ഫ്ലോറിയ ജാക്സൺ വില്ലയ്ക്ക് സമീപത്തെ സെന്റ് ജോൺസ് നദിയിലേക്ക് വീണത്. ഗ്വാണ്ടനാമോ നാവിക കേന്ദ്രത്തിൽ നിന്ന് വരികയായിരുന്ന വിമാനം റൺവേയ്ക്കു സമീപത്തുള്ള നദിയിലേക്കു തെന്നി നീങ്ങുകയായിരുന്നു. പ്രാദേശിക സമയം രാത്രി 9.40നായിരുന്നു സംഭവം.

വിമാനം നദിയിൽ മുങ്ങിയിട്ടില്ലെന്നും. വിമാനത്തിലുള്ള എല്ലാവരും സുരക്ഷിതരാണെന്നും ജാക്സൺവില്ല മേയർ ട്വിറ്റ‌റിലൂടെ അറിയിച്ചു. മിയാമി എയർ ഇന്റർനാഷണലിന്റെ വിമാനമാണ് അപകടത്തിൽപെട്ടത്. യു.എസ് സൈന്യത്തിനായി ചാർട്ട് ചെയ്ത വിമാനമായിരുന്നു ബോയിംഗ്737. വിമാനത്തിൽ നിന്ന് ഇന്ധനം പുറത്തേക്ക് കടക്കാതിരിക്കാതിരിക്കാനുള്ള ശ്രമങ്ങൾ നടക്കുകയാണെന്നും അധികൃതർ അറിയിച്ചു.