ഗാനഗന്ധർവൻ യേശുദാസിനോട് ക്ഷമാപണവുമായി ഗായിക റിമി ടോമി രംഗത്ത്. താൻ ഒരുപാട് തെറ്റുകൾ ചെയ്യുന്നുണ്ട്, ചെയ്‌തുകൊണ്ടിരിക്കുകയാണ്. തന്റെ അച്ഛന്റെ സ്ഥാനത്തു നിന്ന് ക്ഷമിക്കണമെന്നായിരുന്നു യേശുദാസിനോടുള്ള റിമിയുടെ അപേക്ഷ. വിദേശത്ത് നടന്ന ഒരു സ്‌റ്റേജ് ഷോയ്‌ക്കിടെയായിരുന്നു സംഭവം. നടൻ ജയറാമും റിമിയ്‌ക്കൊപ്പമുണ്ടായിരുന്നു. യേശുദാസിന് മുന്നിൽ വച്ച് ജയറാമും ഒരു ഗാനമാലപിച്ചു. ഗാനത്തിന്റെ വീഡിയോ സോഷ്യൽ മീഡിയയിൽ ഹിറ്റായി കഴിഞ്ഞു.
ദാസ് സാറിന്റെ തന്നെ ഗാനമാണ് പാടുന്നത്. എന്തൊരു ധൈര്യമാണെന്നു പറഞ്ഞുകൊണ്ടാണ് ജയറാം പാടിത്തുടങ്ങിയത്. സദസ്സിൽ ഗാനം കേട്ടിരിക്കുന്ന യേശുദാസിനെയും ഭാര്യ പ്രഭയെയും വിഡിയോയിൽ കാണാം. ജയറാം ഗാനത്തിനൊടുവിൽ യേശുദാസിന്റെ ശബ്ദം അനുകരിച്ചു. ഞാൻ ചെയ്തുപോയ എല്ലാ തെറ്റിനും ഇവിടെ പ്രായശ്ചിത്തം ചോദിക്കുന്നു എന്നും ജയറാം പറയുന്നുണ്ട്. തുടർന്നാണ് ഞാനും ഒരുപാട് തെറ്റുകൾ ചെയ്യുന്നുണ്ട്, ചെയ്തുകൊണ്ടിരിക്കുന്നുണ്ട്. എന്റെ അച്ഛന്റെ സ്ഥാനത്ത് നിന്ന് എന്നോട് ക്ഷമിക്കണമെന്ന് അപേക്ഷിക്കുന്നു എന്നുള്ള റിമിയുടെ കമന്റ്.