ന്യൂഡൽഹി: രാജ്യത്ത് നടക്കുന്ന സമകാലിക പ്രശ്നങ്ങളിൽ പ്രതികരിക്കുന്ന ചുരുക്കം നടന്മാരിൽ ഒരാളാണ് സിദ്ധാർഥ്. ഇപ്പോൾ പ്രധാനമന്ത്രി നരേന്ദ്രമോദിയുമായി നടൻ അക്ഷയ് കുമാർ നടത്തിയ അഭിമുഖത്തെ പരിഹസിച്ച് നടൻ സിദ്ധാർഥ് രംഗത്തിത്തിയിരിക്കുന്നത്. അക്ഷയ് കുമാർ നടത്തിയ അഭിമുഖത്തിൽ മോദിയുടെ വ്യക്തിജീവിതത്തെ കുറിച്ചും മുൻ അമേരിക്കൻ പ്രസിഡന്റ് ഒബാമയെ കുറിച്ചുള്ള ബന്ധത്തെ കുറിച്ചും വ്യക്തമാക്കിയിരുന്നു. മോദിയുമായുള്ള അഭിമുഖം സോഷ്യൽ മീഡിയയിൽ വൻ ചർച്ചയായിരുന്നു.

അമേരിക്കൽ പ്രസിഡന്റ് ഡൊണാൾഡ് ട്രംപിനുളള സന്ദേശത്തിന്റെ രൂപത്തിലാണ് അഭിമുഖത്തെ സിദ്ധാർഥ് പരോക്ഷമായി പരിഹസിക്കുന്നത്. തിരഞ്ഞെടുപ്പ് അടുക്കുകയല്ലെ എന്നും വിജയിക്കണമെങ്കിൽ തനിക്കൊപ്പം ഒരു ഇന്റർവ്യു നടത്തിയാൽ മതിയെന്ന് സിദ്ധാർഥ് പറയുന്നു. താങ്കളുടെ വ്യക്തിത്വത്തെ കുറിച്ചും കഴിക്കുന്നതെന്താണെന്നും താരം ചോദിക്കുന്നു. നടൻ അക്ഷയ് കുമാറിനെയും താരം പരിഹസിക്കുന്നുണ്ട്.

'ഹേ ഡെനാൽഡ് ട്രംപ്, നിങ്ങൾ തിരഞ്ഞെടുപ്പിനെ നേരിടാന്‍ തയ്യാറെടുക്കുകയാണല്ലോ. നിങ്ങളുടെ തിരഞ്ഞെടുപ്പ് സമയത്ത് എനിക്കൊരു അഭിമുഖം തരണം. നിങ്ങൾ എങ്ങനെയാണ് പഴം കഴിക്കുന്നത്? നിങ്ങളുടെ ഉറക്കം എങ്ങനെയാണ്? നിങ്ങളുടെ ജോലിയുടെ സ്വഭാവം, മനോഹരമായ വ്യക്തിത്വം എന്നിവയെക്കുറിച്ചുള്ള പ്രധാനപ്പെട്ട ചോദ്യങ്ങൾഎന്റെ പക്കലുണ്ട്. എനിക്കൊരു ഇന്ത്യൻ പാസ്പോർട്ടുമുണ്ട്.'' സിദ്ധാർഥ് ട്വീറ്റ് ചെയ്തു.

Hey @realDonaldTrump since you're getting ready to be re-elected soon, might I suggest an interview with me during your elections? I have crucial questions about how you eat fruit, your sleep and work habits and also your cute personality. I have an Indian passport. DM me please.

— Siddharth (@Actor_Siddharth) May 3, 2019